Дуучин Крис Браун биеийн байдлаасаа болж Канадын зуны наадамд оролцохоос татгалзсан байна. Тэрээр ойрын хугацаанд оролцохоор төлөвлөж байсан дөрвөн үйл ажиллагаагаа цуцалсан аж. Үүнд нь энэ сарын 29–өөс ирэх есдүгээр сарын 1 хүртэл үргэлжлэх “Energy/Summer Rush Canadian” тоглолт багтсан байна.
Крис Брауны энэхүү шийдвэр нь олон хүнийг гайхшруулж байгаа бөгөөд ивээн тэтгэгчид нь мөн дургүйцлээ илэрхийлжээ. Крис тоглолтоос татгалзах болсон нь дан ганц түүний биеийн байдлаас шалгаалаагүй хэмээн сэтгүүлчид үзэж байгаа аж. Учир нь Канадын Нова Шотланд болон Халифакс хотын иргэд интернетээр Крисийг тоглолтонд оролцохыг эсэргүүцсэн өргөх бичгийг хотын даргадаа илгээсэн байна. Одоогоор өргөх бичгийн тоо 16 мянгад хүрчээ.
Эх сурвалж: new.mn
