Торонтогийн Олон Улсын 38 дахь удаагийн кино наадам ирэх есдүгээр сарын 5-15-нд болох гэж байна. 1976 оноос хойш зохиогдож ирсэн Торонтогийн кино наадам нь дэлхийн томоохон кино наадмуудын нэг юм.
Наадмыг зохион байгуудагчдын зүгээс урьд урьдныхаасаа илүү өргөн хүрээг хамрана хэмээн мэдэгдсэн бөгөөд 146 орны бүрэн хэмжээний болон баримтат, богино гээд олон төрлийн кино оролцох юм байна. Торонтогын наадмыг найруулагч Билл Кондоны бүтээл “The Fifth Estate” киногоор нээж, Элмора Леонардагын “Life of Crime”-аар хаахаар болсон юм. Мөн уг наадамд үеэр Жон Уэллсийн найруулсан "August: Osage County" инээдмийн кино гарах бөгөөд албан ёсны нээлт нь ирэх арванхоёрдугаар сард болох нь ээ. Мөн Дэлхийн II дайны үед Японы цэргүүдэд барьцаалагдсан нэгэн Британийн цэргийн талаар өгүүүлэх "The Railway Man" киноны нээлт наадмын үеэр болох юм. Эдгээрээс бүтээлээс гадна 20 кино тус наадмын үеэр нээлтээ хийх ба 81 киног онцгойлон гаргахаар сонгожээ. Мөн давхардсан тоогоор баримтат кино хэсэгт 22 кино, аймшгийн төрөлд есөн кино, тэргүүлэх хэсэгт 16 кино, дэлхий дахины хэсэгт 65 кино, Афины кино хэсэгт 12 кино тус тус сонгогдсон байна.
Торонтогийн Олон Улсын Кино наадамд жүжигчин Мерил Стрип, Колин Ферт болон Жулия Робертс зэрэг алдартай уран бүтээлч алхах нь ээ.
