Гэр бүлийн хүчирхийллийн хар бараан сүүдрийг харуулсан “Ларьдма” кино нээлтээ хийсэн цагаас үзэгчдийг нэлээдгүй шуугиулж байсан цаг үе саяхан. Одоогоос гурван жилийн өмнө уг бүтээлийг найруулагч Ж.Сэнгэдорж найруулж, гол дүрүүдэд жүжигчин Д.Пүрэвсүрэн, Б.Навчаа нар ажиллаж “Navchaa film” студи бүтээж байсан. Тэгвэл тус киноны уран бүтээлчид киноны хоёрдугаар ангийг Амьдрал нэртэйгээр ирэх сард үзэгчдийн хүртээл болох гэнэ. Харин киноны дууг МУГЖ, Зууны манлай дуучин Б.Сарантуяа дуулжээ.
Ангилал: Дуу
“Солиот Эх” киног үзсэн хүн бүр л эхийн хайр, хатуу цэвдэг сэтгэлийн тухай болон уйлсан, уярсан тухайгаа сэтгэгдэл бичиж байна. Энэ бол Хятадын зохиолч Ван Хэ Жигийн “Солиот эх” өгүүллэгээс сэдэвлэсэн кино юм.
Ард түмний сэтгэлд хоногшсон олон сайхан дуунуудын нэг “Миний ээж тэмээчин” дууг дуучин Д.Отгонжаргал шинэчлэн дуулж дүрсжүүлжээ. Энэ дууны шүлгийг Төрийн соёрхолт, Соёлын гавьяат зүтгэлтэн П.Пүрэвсүрэн бичиж, аялгууг урлагийн гавьяат зүтгэлтэн Ч.Сангидорж бичсэн билээ.
Поп акапелла урсгалаар уран бүтээлээ туурвидаг “S4” хамтлагийн залуус шинэ оны босгон дээр шинэ уран бүтээлээ та бүхэндээ толилуулж байна. Тус хамтлагийн “Монголжингоо” хэмээн шинэ уран бүтээлийн аяыг Б.Чинбат, үгийг ZZ нар бүтээсэн бол ART продакшн, ANDRAMODEL агентлаг, ONEMUSIC продакшн, E студио нар хамтран ажиллажээ.
Цаг хүнд байгаа энэ нийгэмд монголчууд маань харийн орныг мөрөөдөж өглөө болгон визэнд дугаарлаж байгааг хараад сэтгэл өвддөг гэж нэгэнтээ ярьж байсан залуу дуучин бол Я.Гэрэлчулуун юм. Тэрээр “Монголоо санасан сэтгэл” төслөөрөө хөгжмийн зохиолч МУУГЗ Т.Сэр Од, яруу найрагч МУСГЗ Ш.Гүрбазар нарын хамтаар дэлхийн олон оронд, тухайлбал Европын орнууд болон, Солонгос, мөн Америкт ажиллаж амьдардаг элэг нэгт Монголчуудынхаа урилгаар очиж тоглолтоо хүргэсэн.
Монгол Улсын гавьяат жүжигчин, дуучин Төмөрийн Ариунаа фэйнүүддээ өргөн барьж байгаа ээлжит уран бүтээл “Космик” дууг та бүхэндээ хүргэж байна. Энэхүү дуу нь өчигдрөөс сонсогчдын хүртээл болсон бөгөөд “Cosmic Ariunaa” цомогт багтсан “Утасны чинь дугаар 3.0” дууны клипний үргэлжлэл гэв.
21 жилийн тэртээд ч Монголчуудыг байлдан дагуулж явсан дуучин хатагтайн гал цог өнөөдөр ч дундрашгүй хэвээр. Он жил өнгөрөх тусам улам залуужиж, жавхааждаг дуучин бүсгүйгээр бахархаж, хүндлэхгүй байх аргагүй. Түүний гаргасан шинэхэн уран бүтээл “Утасны чинь дугаар 3.0” нь “Cosmic Ariunaa” цомогт багтах бөгөөд “Хаган фильм” студийн хамт олон клипийг нь бүтээж хөгжмийн найруулгыг “Ocean Grey” студийн уран бүтээлчид хийсэн байна. 2181 оныг зөгнөн харуулахыг зорьсон уг бүтээл электро стильд оруулан шинэчлэн дуулснаараа онцлог юм.
“Хотын гудамж” дуугаараа олонд танигдсан “Madness” хамтлаг байгуулагдаад 20 жил болсон байна. Энэ оны эхээр 20 жилийнхээ ойн тоглолтоо фенүүдтэйгээ нижгэр тэмдэглэсэн билээ. Ийнхүү 20 жилийн босгыг даваад байгаа Монголын рок поп ертөнцийн шилдгүүдийн нэг амьд хөгжмийн “Madness” хамтлагийнхан “City” хэмээх шинэхэн уран бүтээлээ үзэгч сонсогчиддоо хүргэж байна. Амьд хөгжим сонсох дуртай тэр дундаа “Madness”- д хамтлагийн дуунуудыг сонсох дуртай та бүхэн шинэ уран бүтээлээ хүлээн авна уу.
Хөгжмийн зохиолч Пүрэвдорж хэмээх эрхэм Улаанбаатарчуудад төдийгүй монголчуудад зориулан нэгэн гайхамшигтай дуу зохиосон нь өнөөдрийн та бидний бараг хүн бүхний мэдэх “Улаанбаатрын үдэш” хэмээх дуу билээ. Хоёр зуун дамжин хүн бүрийн зүрх сэтгэлд эгшиглэсэн энэхүү бүтээлийг зөвхөн Монголчууд төдийгүй БНХАУ, ОХУ гээд гадаад дотоодгүй шимтэн сонсч шүтэн биширдэг. Тэгвэл энэхүү дууны 2-р анги гэж хэлж болохоор нэгэн сайхан бүтээл саяхан төрсөн нь Монголын төдийгүй БНХАУ-ын ӨМӨЗО-ны хит парадуудыг тэргүүлж эхлэлээ. Энэ бол Хөгжмийн зохиолч Продюссер Ашидын аялгуу, дууны яруу найрагч С.Энхтайваны шүлэг “S4” хамтлагийн шинэхэн уран бүтээл “Улаанбаатрын өглөө” хэмээх дуу юм.
Шинэлэг хэв маягаараа нийтийн дуучдаасаа ялгарч буй дуучин Г.Дэлгэрцогт өнгөрсөн хавар “Миний нандин” хэмээх дуугаа гаргасан нь үзэгч, сонсогчдын талархлыг хүлээсэн. Тэрбээр саяхан “Шөнийн бороо” дуугаа олон нийтийн хүртээл болгожээ.