Дуучин Тейлор Свифт 2026 оны “MTV Video Music Awards”-аас хоёр шагнал хүртсэнээр тус наадмын түүхэн дэх хамгийн олон VMA шагналтай уран бүтээлч болж, шинэ дээд амжилт тогтоолоо.
Свифт ёслолын өмнө 30 VMA шагналтай байсан бөгөөд энэ үзүүлэлтээрээ Бейонсетой тэнцэж байв. Харин энэ жил шинээр бий болгосон “Artist Director Honors” шагналын анхны эзэн болсноор 31 дэх шагналаа авч, рекордыг дангаар эзэмших болсон юм. Улмаар “The Fate of Ophelia” бүтээлээрээ үдшийн гол шагнал болох оны шилдэг клип шагналыг хүртсэнээр нийт VMA шагналын тоогоо 32 болгожээ.
“Artist Director Honors” нь хөгжмийн клипийн найруулга, дүрслэл, өгүүлэмжийн хөгжилд онцгой хувь нэмэр оруулсан уран бүтээлчдийг үнэлэх шинэ шагнал бөгөөд Свифт түүхэн дэх анхны эзнээр нь тодорсон байна.
Ийнхүү Тейлор Свифт VMAs-аас нийт 32 шагналтай болж, наадмын бүх цаг үеийн хамгийн олон шагнал хүртсэн уран бүтээлч гэсэн шинэ амжилтын эзэн боллоо.
