Ангилал: Үзвэр

“Үзмэр амилах цагаар” булангаараа Монголын театрын музейтэй хамтарч танай улсын театр, чуулгуудын түүхэн дэх онцлох үйл явдлуудын талаар тус музейн сан хөмрөг дэх үзмэрүүдийг тайлбарлах замаар хүргэж эхэлсэн билээ. Энэ удаа Монголын театрын гал голомт “Бөмбөгөр ногоон”-ы нээлтийг хийж байсан ‘Үнэн” жүжгийн талаар бэлтгэлээ.

1931 онд Улсын төв театр “Бөмбөгөр ногоон”-ыг байгуулж, зохиолч С.Буяннэмэхийн “Үнэн” хэмээх жүжгийн бяцхан үзэгдлийг дуу хөгжимтэй найруулан тавьсан аж. Уг жүжигт үг цөөн, үйл явдал нь зөн, бэлгэ тэмдгийн чанартай байжээ. Утга санаа нь ард олныг феодалын дарлалаас ангижруулахын төлөөх тэмцлийн тухай юм байна. Үүнийг ЗХУ-ын мэргэжилтэн А.Эфремов найруулжээ. Гол дүрүүдийн нэг хар феодалд жүжигчин Пүрэвсүрэн, шар феодалд Шаравдоо, гамин ноёнд Гомбожав, нэгдүгээр боолд Намдаг, Коминтернийн төлөөлөгчид Лувсансодном нар тоглосон байна.

Дуурь бүжгийн эрдмийн театрын уран бүтээлчид долоодугаар сарын 1-нд А.Аданы “Жизель”-ээр хөшгөө хаасан бол шинэ улирлын тоглолтын сураг өнөөдрөөс чих дэлслээ. Ягаан театр энэ улирлын нээлтээ аравдугаар сарын 6, 7-нд И.Чайковскийн “Евгений Онегин” дуурь, А.Хачатуряны “Спартак” балетаар хийх гэнэ. Тус театр 1963 онд бие даасан байгууллага болж, нээлтээ П.И.Чайковскийн “Евгений Онегин” дууриар хийсэн түүхтэй.

Тэр үед тоглолтыг төрийн шагналт Ж.Чулуун удирдаж, Д.Лхасүрэн найруулсан юм билээ. Үүнээс хойш уг дуурийг хоёр удаа шинэчлэн найруулж байжээ. Өнгөрсөн улиралд ч театрынхан 1988 оны найруулгаараа “Евгений Онегин”-ийг тайзнаа амилуулсан нь амжилттай болж, үзэгчдийн талархлыг хүлээсэн юм. Сонгодог урлагийн фэнүүдийн мөрөөдөл болсон нэрт зохиолч А.Хачатуряны “Спартак” балетийг тус театрын шинэ улирлын нээлтийн хоёр дахь өдөр үзэх боломжтой.

Сонгодог хөгжимд дуртай хэн бүхний хүсэн хүлээдэг”Мемори поп оркестр”-ын тоглолт энэ есдүгээр сарын 16-нд Үндэсний соёл амралтын хүрээлэнгийн “Завь” кафед, задгай тайзан дээр болох гэж байна. Цахилгаан хөгжмийг симфони оркестртой хослон тоглох “Мемори поп оркестр”-ын сонгодог үдэшт үзэгчдийн сэтгэлд хоногшсон, дурсамж үлдээсэн танил аялгуу эгшиглэж, Монголын шилдэг дуурийн дуучид Италийн хөгжмийн зохиолчдын ари, романсаас дуулж, таны сэтгэлийг сэргээж өгөх нь лавтай.

Энэ онд ДБЭТ-ын 50 дахь улирлын нээлт тохионо. Өнгөрсөн жил Монголын болоод дэлхийн сонгодог дуурь, балетийг тайзнаа амилуулж, гадны томоохон наадмуудаас шагналын хур буулгасан ДБЭТ-ынхан 50 дахь улирлын нээлтээ XX зууны хөгжмийн шилдэг бүтээл болох Армяны нэрт зохиолч А.Хачатуряны “Спартак” балетаар ирэх аравдугаар сарын 6-нд нээх бол маргааш нь буюу 7-нд дуурийн нээлтээ Оросын алдарт хөгжмийн зохиолч П.И.Чайковскийн “Евгений Онегин” дууриар хийх юм байна.

Үндэсний Дуу Бүжгийн Эрдмийн Чуулгын тайзнаа 8 сард…

Монголын урлаг дэлхийн энтэй яваагын илрэл болсон олон гайхалтай үйл явдал, арга хэмжээнүүд болсоор байгаа. Түүний үргэлжлэл болж БНСУ-ын Үндэсний театрынхан Үндэсний дуу бүжгийн эрдмийн чуулгын урилгаар манай оронд ирэх сарын 6-нд ирхээр болжээ. Тус театрын захирал, уран бүтээлчид нийлсэн нйит 12 хүний бүрэлдхүүн Монголд ирж 10-нд “Тал хээрийн Ариран” тоглолтоо хийхээр төлөвлөсөн байна.

Улсын дуурь, бүжгийн эрдмийн театр өнгөрсөн долдугаар сарын 1-нд А.Аданы “Жизель” балетаар 49 дэхь улирлын хаалтаа хийсэн. Тэгвэл ирэх аравдугаар сард Оросын алдарт “Евгенийн Онегин” дууриар 50 дахь улирлын нээлтээ хийх гэнэ. Мэдээж “Евгений Онегин” дуурьд дуурийн урлагийн шилдгүүд тоглох гэнэ.

“Алтан хальс” холбоо Үндэсний соёл амралтын хүрээлэнтэй хамтран Монголд анх удаа задгай талбайд кино гаргах гэж байна. Тэд сонгодог болон арт хаус киног илүү өргөн хүрээнд таниулж, сонирхолтой содон бүтээлүүдийг олны хүртээл болгохын тулд Dreamers’ Day өдөрлөгийн зохион байгуулдаг.

Уншигч та бүхэндээ дөрөвдүгээр сарын соёлын арга хэмжээний хөтөлбөр,цагийн хуваарь, утасны мэдээллий хүргэж байна.

Улсын дуурь, бүжгийн эрдмийн театрын уран бүтээлчид ирэх дөрөвдүгээр сарын хөтөлбөртөө Ж.Пуччинийн “Чио Чио Сан” дуурийг тоглохоор оруулжээ. Мөн Д.Лувсаншаравын “Хан Бүргэд” дуурийг тоглохоор бэлтгэж байгаа юм. УДБЭТ-ын ирэх дөрөвдүгээр сарын тоглолтын хөтөлбөрийн танилцуулж байна.