Монгол Улсад банкны тогтолцоо үүссэний 90 жилийн ойд зориулсан зоос мөнгөн тэмдэгтийн үзэсгэлэн нээлтээ хийлээ. Монголбанк, зоос цуглуулагч нарын хамтран энэхүү сонирхолтой үзэсгэлэнг Төрийн түүхийн музейн Монгол төрийн тэргүүний танхимд толилуулж байна.
Ангилал: Үзвэр
“ХӨХ ЗЭВ” уран бүтээлчдийн нэгдлээс хэрэгжүүлж буй “ДАЛД ТӨРХ” төслийн хүрээнд хийгдэж байгаа “АРТ ФОТО” чиглэлийн үзэсгэлэн Blue Moon арт галерейн үзэсгэлэгийн танхимд 2014.06.04-06.14-ны хооронд дэлгэгдэж та бүхний оюуны мэлмийг баясгах гэж байна. Мөн үзэсгэлэн дэлгэгдэх өдрүүдэд “Хөх зэв” нэгдлийн уран бүтээлчид сонирхолтой перформенс арт /үйл хөдлөлийн урлаг/ тавигдах болно.
“Хөх зэв” уран бүтээлчдийн нэгдлээс хэрэгжүүлж буй “Далд төрх” төслийн хүрээнд хийгдэж байгаа “Арт Фото” чиглэлийн үзэсгэлэн ирэх зургаадугаар сарын 4-нд “Blue Mon” цамхагийн нэгдүгээр давхарт байрлах “Blue moon” арт галерейд нээлтээ хийнэ.
Гэрэл зураг сонирхогч Галсангийн Батсүхийн “Эс хайрлахын аргагүй ертөнц”(Wild Kingdom: Impossible Not To Love) үзэсгэлэнгийн нээлт болон “Ан амьтны араншин”(Attitudes of Wild Animals) ба “Шувуудын анир”(Whispers of Birds) ” номын баяр 5 дугаар сарын 31-ны 1200 цагт “Blue Moon” арт галерейд болно.
Лонх арт ТББ-ын захирал, уран бүтээлч Б.Цэвэгсүрэн нь “Лонхон доторхи урлал” нэртэй бие даасан анхны үзэсгэлэнгээ 2014 оны 05-р сарын 26-28-ны хооронд дэлгэгдэж та бүхний оюуны мэлмийг баясгах гэж байна.
Монголын энэ цаг үеийн шилдэг урчууд нэгэн дор чуулж Сийлбэрч, дуучин Т.Баттогтохын “Далны морьд” үзэсгэлэнгийн нээлтэнд оролцож нэгэн үдшийг баяр бахдал, омогшилоор дүүрэн өнгөрүүллээ. Тэрбээр “Маршал арт галерей”-д нээгдсэн тус үзэсгэлэнд эрхэм уран бүтээлчийн далны яс болон ясан барималаар мордийг дүрслэн сийлсэн, орчин үеийн дахин давтагдашгүй, сэтгэлгээний өндөр түвшинд туурвисан 30 гаруй бүтээлүүд дэлгэгдсэн юм.
Эх үрсийн баярыг тохиолдуулан “Blue moon” арт галерейн гишүүн уран бүтээлчид бяцхан хүүхдүүдэд зориулан онцгой өдөрлөг хийхээр зэхжээ. Багачуудын гоо сайхны таашаалыг нэмэгдүүлэх зорилготой “Бидний ертөнц” өдөрлөгийн үеэр мэргэжлийн уран бүтээлчид хүүхдүүдийн нүүрэнд хүссэн үлгэрийн баатрыг нь зурж, уран бичлэгээр нэрийг нь бичиж өгөх бол “Blue moon art boutique” салбарт хүүхдийн өрөөнд зориулсан уран зургийн худалдаа явуулах ажээ.
Уран бүтээлч Цулбаатарын Одгэрэл “Бяцхан нүүдэлчид” бие даасан үзэсгэлэнгээ нээжээ. Түүний үзэсгэлэнд хөдөө нутгийн амар тайван амьдрал дунд өсөж буй, аз жаргалтай бяцхан хүүхдүүдийг дүрсэлсэн бүтээлүүдийг олон нийтэд толилуулахаар дэлгэжээ.
Монголын урчуудын эвлэлийн гишүүн, залуу зураач, гэр бүлийн авьяаслаг уран бүтээлч Т.Өлзийжаргал, А.Өлзийжавхлан нарын хамтарсан уран зургийн үзэсгэлэн 5 сарын 08-12 өдрүүдэд Барилгачдын талбайн баруун талын Арт хаус төвийн 3 давхарын АРТ ГАЛЕРЕЙД гарахаар болжээ.
МУСТА, МУЭ-ийн нэрэмжит шагналт зураач О.ДАРАМБАЗАР, МУСТА, Польш улсын Gloria Artis мөнгөн шагналт Б.ЛХАГВАЖАВ нарын хамтарсан Ф.Шопений хөгжмийг уран зурагт буулгасан “АЯЛГУУТ СОЛИР” үзэсгэлэн Blue Moon арт галерейн үзэсгэлэнгийн танхимд 2014.05.05-11-ны хооронд дэлгэгдэж та бүхний оюуны мэлмийг баясгаж байна.