Утга зохиол сонирхдог номын “хорхойтон”-уудад зориулан дэлхий дахиныг тэр дундаа амьдралыг тольдох алтан хормыг бэлэглэж мэдлэг оюуны алжаалыг тайлахын зэрэгцээ бие хүний хүмүүжил – төлөвшилд асар үнэтэй хөрөнгө оруулалтыг хийдэг номын ертөнцийн сонин хачинаас сонирхуулж байна.
Ангилал: Уртын дуу
Швейцарийн нэгэн хөгжимчин галт тэргээр зорчиж явахдаа нэрт урлаач Страдиваригийн бүтээсэн 2.5 сая долларын үнэтэй хийл хөгжмийг мартаж буужээ. Энэ үнэлж баршгүй ховор хөгжмийн зэмсгийг дөрвөн хоногийн дараа сайн санаат нэгэн хүн гээгдсэн зүйлийг олж аваачдаг товчоонд өгсөн байна. Салан хөгжимчин XVIII зууны нэрт хөгжмийн зэмсэг урлаач Антонио Страдиваригийн бүтээсэн хийл хөгжмийг Швейцарийн Бьен хотоос Тул руу зорчиж явсан хот хоорондын галт тэргэнд мартаж орхисон аж. Хийл хөгжмийн эзэн түүнд зэмсгээ хэд хоногийн хугацаатай зээлдүүлсэн байна.
Хэсэг хугацаанд нам гүм байсан “Гурван бүдүүн” маань энэ зуныг зүгээр сууж өнгөрүүлээгүй гэв. Тэд гурав дахь цомгийн ажилдаа орсон төдийгүй “Магнаг үсэгтэй туг” зэрэг сүүлд гаргасан уран бүтээл болоод хайрын, уянгын бүх төрлийн дуугаа багтаажээ.
Цомог нь энэ сарын сүүлчээр худалдаанд гарах тул баярын өдөрлөг зохион байгуулах гэнэ. Мөн дуучин залуус “Монгол ээж” нэртэй шинэ дууныхаа клипэнд 21 ээжийг тоглуулахаар төлөвлөсөн байна.
Дорвитой уран бүтээл хийлгүй, хэсэг хугацаанд сэлгүүцэж явсан дуучин залуу сүүлийн үед хамтлаг хэсдэг ажилтай болж. Гурван жилийн өмнө тэрбээр “Маршал” гэх амьд хөгжмийн хамтлагт орж, Цэргийн баяраар хийсэн тоглолтоосоо чамгүй мөнгө халаасалсан гэдэг.
Харин чухам юунаас болсон юм, бүү мэд. Мөнөөх залуусаасаа нүүр буруулан тус тусынхаа замыг хөөж оджээ.
Чинээлэг эхнэрийнхээ хүчинд багахан хэмжээний бизнес эрхэлж буй дуучин Н.Гантулга саяхнаас “Cu Mo” гэх нэгэн хамтлагт дуулах болсон аж. Үүгээр ч зогсохгүй, нэлээд улстөржсөн шинжтэй уран бүтээл хийгээд түүнийгээ сонирхолтой клипээр дүрсжүүлжээ.
Хошин урлагийн тайз, кино дэлгэцэнд бүтээсэн дүрүүд нь ихэвчлэн архичин нөхөр байдаг гэх жүжигчин Б.Баатархүүгээс фэнүүд нь учрыг лавлажээ. “Та яагаад архичны дүрийг ийм сайн гаргаж тоглодог юм бэ. Архи хэрэглэсэн хүний авир ааш, байгаа байдлыг хүртэл яг адилхан дуурайх юм. Арай өөрөө тийм биш биз” хэмээн хардах маягтай асуусан юм байх. Хариуд нь мань эр” Өө, яалаа гэж.
Баяр ёслолоор архи дарс тохируулж хэрэглэх үе байлгүй яахав. Харин надад яагаад ч юм бэ, дандаа архичны дүр оногдоод байна. Эхний үед гайхдаг л байлаа, сүүлдээ бүх тоохоо больсон. Айл бүрт л архичин байдаг шүү. Манайханд ч нэг тийм “хүнд” нөхөр бий.
Реппер B.A.T хэсэг завсарлаад байсан уран бүтээлдээ эргэн орж, “том загас” ангуучилжээ. Гэхдээ энэ удаа тэрбээр дахин дэлгэцийн урлагт хүч үзэхээр шийдсэн байна. B.A.T 2010 онд “Аз ойрхон” киног найруулан үзэгчдэд хүргэсэн бол энэ удаа “Dash films”-тэй хамтран “Big Fish”-г үзэгчдэд бэлджээ. Түүний шинэ кинонд дуучин Б.Амархүү болон реппер Rokitbay, Gee, загвар өмсөгч, жүжигчин О.Амгаланбаатар, залуу жүжигчин о.Ариэзул, Б.Уламбаяр болон ОХУ, АНУ-ын жүжигчид тогложээ. Реппер B.A.T ч энэхүү кинондоо тоглосон байна. Цагдаагийн ахлагч Соёмбо хар тамхитай холбоотой хүн амины хэргийг мөрдөн шалгааж буйгаар үйл явдал өрнөх тус кинонд үзэн ядалт, өшөө хорсол, анд нөхдийн үерхэл юунаас ч илүү үнэтэй гэдгийг харуулсан гэнэ. “Big fish” ирэх наймдугаар сарын 21-нд нээлтээ хийх юм.
Холливуудын хамгийн бат бөх гэр бүл гэгддэг байсан Том Круз эхнэр Кети Холмсоос салсан ч тэд бяцхан охиныхоо хүмүүжилд цаг зав зарцуулахыг илүүд үздэг гэнэ. Кино ертөнцийн баян одуудын нэг 51 настай жүжигчин Том охин, зургаан настай Суритайгаа цагийг хамтдаа өнгөрүүлжээ. Том өчигдөр буюу мягмар гаригт нисдэг тэргээр охиноо “Hampton”-д авчирсан гэнэ. Тэд хамтдаа далайн эргээр зугаалж, хүүхэд багачуудын дуртай Диснейн үлгэрийн баатруудын хотхоноор бүтэн өдрийн турш аялжээ. Сури Диснейгээр аавтайгаа хамт аялахдаа үлгэрийн баатар, лусын гүнж Ариеэлийн хувцсыг өмсч, зургаа авахуулсан гэнэ.
25 дугаар суваг телевизээс зохион байгуулсан “Making the band” шоунаас төрөн гарсан “Anemone” хамтлагийн шинэ цомог тун удахгүй худалдаанд гарна. Монголын рок попын ертөнцөд хөл тавиад удаагүй байгаа тэдний уран бүтээлийг чанартай байж чаддаг хэмээн сонсогч фенүүд нь дүгнэдэг. Тус хамтлаг “Up music” продакшнтай хамтран ажиллаж байгаа бөгөөд одоогоор хоёр шинэ клипний бэлтгэл ажилдаа ороод байгаа аж.
Реппер Snoop Dogg Норвегид болох хандивын тоглолтод оролцох гэж яваад цагдаа нарт саатуулагдаж хоёр жил тус улс руу нэвтрэх эрхгүй болжээ. Учир нь найман грамм цэвэр хар кокаин биедээ авч явсан нь шалгалтаар илэрсэн байна. Энэ талаар түүний өмгөөлөгч нь “Хэдийгээр түүний буруу ч ийм ноцтой зүйл болно гэж төсөөлөөгүй” хэмээн мэдэгджээ. Тэрээр урьд нь хар тамхины хэргээс болж Техасын урьдчилан саатуулах газарт 3 сар хоригдож байсан удаатай.
38 настай порно од Женна Жеймсон өөрийн зохиосон “Хэрхэн порно од шиг сексдэх вэ?” хэмээх номоороо кино хийх эрхийг худалджээ. Мөн порно хатагтай киноныхоо гол дүрд Скарлет Иохансоныг тоглуулахыг хүсч байгаа гэнэ.