Өнгөрсөн долдугаар сараас хойш хөгжим сонирхогчдыг байлдан дагуулж байгаа Өмнөд Солонгосын дуучин PSY-ийн “Gangnam Style” дуу одоогийн байдлаар YouTube сайтаас нэг тэрбум удаа үзжээ. “YouTube” сайтыг эзэмшигч “Google” компанийн мэдээлснээр “Gangnam Style” дуу өдөрт дунджаар арван сая удаагийн илэрцийг авдаг байна. Түүнчлэн уг дуу өмнө нь “YouTube”-ийн дээд амжилтыг тогтоогоод байсан Жастин Биберийн “Baby” дууг ардаа хол орхин хамгийн олон хэрэглэгчтэй олон нийтийн сүлжээ сайтын дээд амжилтыг дахин тогтоогоод байгаа нь энэ аж.
Ангилал: Нийгэм
Хүүхэлдэйн театрынхан хүүхэд багачууддаа шинэ оны бэлэг болгон энэ сарын 22-нд “Лусын хааны охид” хүүхдийн жүжгээ толилуулхаар болжээ. Энэхүү жүжгийн зохиолыг яруу найрагч Ц.Хулан бичиж, хүүхэлдэйн театрын нийт уран бүтээлчид тайзнаа амилуулж байгаа бөгөөд хөгжмийн зохиолчоор нь төрийн соёрхолт хөгжмийн зохиолч Б.Мөнхдорж ажиллаж байгаа юм.
Дуурь бүжгийн эрдмийн театр 50 жилийн ойдоо зориулан үзэгчдэд өргөн барьж буй шинэ жилийн эхний бэлгээ задаллаа. Монгол Улсын Ерөнхийлөгчийн ивээл дор, ССАЖЯ-тай хамтран ДБЭТ-ын тайзнаа алдарт “Хунт нуур” балетыг толилуулахаар зэхээд байгаа бөгөөд тус балетад “Winter star 2013” дэлхийн балетын одод чуулах нь ээ. Балетийн урлагт дуртай үзэгчдийн хэд ч үзээд уйддаггүй “Хунт нуур”-ыг ирэх оны нэгдүгээр сарын 11-нд 19.00 цагт, 12-нд 17.00 цагт хоёр өдөр тоглох аж.
Соёл, спорт, аялал жуулчлалын яам, Монголын урлагийн ажилтны холбоо хамтран орон нутгийн театр, чуулгуудын дунд зохиосон “Сонгодог бүтээл-2012” шилдэг бүтээл шалгаруулах улсын уралдааны сүүлийн шат нийслэл хотноо болж зүүн, баруун, төвийн бүсээс шалгарсан гурван театрын уран бүтээлчид өрсөлдөн Дорнод аймгийн Хөгжимт драмын театрынхан Г.Ибсений “Нийгмийн дайсан” жүжиг, симфони найрал хөгжмийн “Сонгодог концерт”-оороо хүртэж, 35 сая төгрөгөөр шагнууллаа. Шүүгчид тус театрынхныг симфони найрал хөгжмөөрөө илүү байсныг онцолсон юм.
Төрийн соёрхолт, дуучин Д.Болдын “Монгол поп-2” цомгийг фенүүд нь тэсэн ядан хүлээж байна. Дуучин Д.Болд өөрөө шинэ цомгийнхоо талаарх мэдээллийг өөрийн фен хуудсаар дамжуулан цаг алдалгүй байнга шинэчлэн хүргэж байгаа бөгөөд өчигдөр “Монгол поп-2” цомгийнхоо “cover”-ыг олонд танилцуулав.
Сүүлийн гурван долоо хоногийн турш бэстселлэрийн жагсаалтыг тэргүүлж байсан Айн Рэндийн “Бид амьд хүмүүс” роман энэ удаад хоёрдугаарт бичигдэж, сэтгүүлч, зохиолч Б.Сарантуяагийн “Сорхугтани” түүхэн зохиол борлуулалтаар тэргүүлжээ. Түүнчлэн жилийн турш дээгүүрт жагсч байсан Зян Руны “Чонон сүлд”, Ц.Оюунгэрэлийн “Ногоон нүдэн лам” романууд удаалжээ. Мөн зохиолч Г.Аюурзанын “Бөөгийн домог”, “Монголын сонгомол өгүүллэг”, “Шүгдэн” романууд жагсаалтын эхний 10-т багтсан байна.
“The Avengers”
Энэхүү кино нь “Бокс оффис”-ын жагсаалтыг тэргүүлж, эхний долоо хоногтоо л дотоодын зах зээлээс нийт 623 сая ам.долларын ашиг олжээ. Киноны зохиолыг 1963 онд хэвлэгдэж байсан “The Avengers” комиксоос сэдэвлэсэн байна. “Марвел” кино студийн түүхэнд хамгийн том төсөл нь энэхүү кино төсөл болжээ.
Нэрт дуучин Мадонна “MDNA” аялан тоглолтоо өнгөрсөн тавдугаар сарын 29-нд эхэлсэн билээ. Уг аялан тоглолтоос тэрбээр 141 сая евро буюу 228 сая ам.долларын орлого олж, энэ оны “Billboard”-ийн хамгийн их орлого олсон аялан тоглолтын эзэн болжээ. Мадонна аялан тоглолтоо Английн Лондон, Бирмингем, Эдинбургээс эхэлж, дэлхийн 65 хотод зочилсон байна.
Энэ бол асуулт, хариултын шоу. Хүмүүсийн ерөнхий мэдлэгийг сорьдог. Хэрвээ та бүх асуултад зөв хариулбал асар их хэмжээний мөнгө хожиж, саятан болох боломжтой. Шоуны албан ёсны эрхийг худалдан авсан улс орон бүр өөр өөр мөнгөн дүнг оролцогчдод санал болгодог. Тухайлбал, Монголын хувьд 50 сая төгрөг. Нөгөө талаар ихэнх шоунууд бага мөнгөнөөс өсөх шатлалтай явагддаг бол манай шоу нь их мөнгөнөөс хасагдах журмаар тоглодог. Энэ нь оролцогч, үзэгчдийн хандлага, сэтгэл зүйд бүрэн нөлөөлж чаддаг. Мэдээж их мөнгөнөөс эхэлсэн мөртлөө шоуны төгсгөл ойртох тусам мөнгө нь багассаар байвал мөнгөний төлөөх өрсөлдөөн улам ширүүснэ. Энэ чинь л шоу нэвтрүүлэг шүү дээ.