Монголын Урлагийн Зөвлөл Соёл урлагийн их сургуулийн Радио Телевиз Медиа Урлагийн Сургуультай хамтран Монголын анимэйшн кино урлагийн салбарыг хөгжүүлэх, тус салбарын оюутан залуусын чадавхийг дээшлүүлэх, анимэйшн салбарын олон улсын хамтын ажиллагааг нэмэгдүүлэх зорилгоор “Гэрэлтэй ширээ” анимэйшн кино сургалтыг энэ сарын 17-ны өдөр эхлүүлсэн.
Ангилал: Уртын дуу
“LVA” энтертайнментын дэлгэцийн дөрөв дэх бүтээл “Мухар гудамж” адал явдалт, драмын уран сайхны кино баасан гараг буюу энэ сарын 28-ны өдөр нээлтээ хийнэ. Хүн хүний харилцаа, эрх мэдэлтнүүдийн бодлого, шийдвэр, өнгө мөнгөний олон хүчин зүйлсээс үүдэж нийгмийн салбар бүрт саад бэрхшээл, асуудал тулгарч эцэст нь мухардалд ордгийг “Мухар гудамж” харуулах гэнэ.
АНУ-ын Калифорни мужийн Сан Диего хотоос гаралтай рэппер Брэндон Дункан зохиосон дууныхаа төлөө бүх насаараа хорих ял авч болзошгүйг байгааг “Los Angeles Times” сонинд өгүүлжээ. Б.Дункан Tiny Doo хэмээх урлагийн нэрийн дор дуулдаг ба түүнийг дээрмийн бүлгийн 15 гишүүний хамт хотод буудалцсан хэрэгт шалгаж байгаа аж. Гэхдээ дуучин залууг уг хэргийн хүрээнд буудалцсан, хэрэгтнүүдийг буу зэвсгээр хангасан зэрэг зүйл заалтаар буруутгаагүй байна. Түүнд хэрэг тулгасан гол үндэслэл нь “No Safety” /Аюулгүй байдал алга/ нэртэй цомогт нь орсон дууны үг аж.
“Монгол уран бичлэг” буюу “Mongolian Calligraphy” нэртэй томоохон каталоги хэвлэгдэн гараад байна. Уг ном “Монгол бичиг үгсийн түүхэн дэх уран бичээс”, “Монголын орчин үеийн уран бичлэг” гэсэн хоёр бөлгөөс бүрдэж байгаа бөгөөд эртний түүх соёлын дурсгалууд болон бичиг номын дотроос монгол уран бичлэг буюу каллиграфийн үүсэл гарлыг эрэн тодруулах оролдлого хийсэн байна.
Эдийн засгийн өсөлтдөө дулдуйдсан Азийн орнууд тэнгэр гижигдсэн барилгуудаас авахуулаад нисэх буудал, дүүжин гүүр, өндөр хурдтай галт тэрэг, худалдааны төв, олон нийтийн талбайгаар өрсөлдөж байна. Энэ өрсөлдөөн явсаар хэн хамгийн өндөр Будда босгох вэ гэсэн тулааны талбар руу шилжжээ.
Бид бүхэн “UB лавлах 1617”- ийн хамт олонтой хамтран өдөр бүрийн үйл явдал, үзвэр, үйлчилгээний хуваарийг хүргэж байгаа билээ. Та бүхэндээ өнөөдрийн хуваарийг танилцуулж байна.
Сүхбаатар аймгийн Нутгийн зөвлөлөөс жил бүр Улаанбаатар хотод амьдарч буй нутгийн уугуул иргэдийнхээ дунд шинэ жилийн цэнгүүнийг зохион байгуулдаг уламжлалтай билээ. Энэ жилийн цэнгүүнийг ирэх сарын 12-ний өдөр “Чингис” зочид буудлын “Өргөө” ресторанд зохион байгуулахаар товлоод байгаа бөгөөд энэ үеэр “Гангар хун” цомын эздийг тодруулах үйл ажиллагааг явуулах юм.Сүхбаатар аймгийн бахархалт шувуугаар нэрлэсэн энэхүү цомыг зургаан төрлийн номинацийн эздэд гардуулах бөгөөд шалгаруулалтад Сүхбаатар аймгийн уугуул болон суугуул иргэд оролцож, өөрийгөө болон өөр бусдын нэрийг дэвшүүлэх боломжтой. Өөрөөр хэлбэл, Сүхбаатар аймгаас гаралтай, 2014 ондоо тухайн салбартаа ажлын үр дүн, амжилт бүтээлээрээ манлайлан, нутгийн нэрийг өндөрт өргөж байгаа салбар, салбарын манлайлагч шилдгүүдийг шалгаруулна.
Монгол улсын филармоний гоцлол дуучин Л.Насанбуян өөрийн анхны бие даасан БИ… тоглолтоо үзэгчдээ хүргэхэд бэлэн болжээ.
БИ… тоглолтын хэвлэлийн бага хуралыг МУ-ын филармони дээр өнөөдөр буюу 11-н сарын 25 нд 12:00 цагт боллоо. Дуучин маань ирсэн сэтгүүлчдэд анхны “ХЭЗЭЭ Ч МАРТАГДАШГҮЙ” цомгоо өөрийн гарын үсгээ зурж бэлэглэсэн юм.
Хөгжмийн зохиолч JACK буюу Энхжаргалын Батжаргал уран бүтээлийн “Jack 1” тоглолтоо “UB Palace”-ын концертын танхимд 12 сарын 06-нд хийх гэж байна.
Тоглолтод МУГЖ Д.Жаргалсайхан, Б.Батчулуун, A-Sound, Fire, Анхаа, Халиун, Үүрээ, Мөнхбат, BX, Гурван бүлүүн, Motive, Sync, Madness нар оролцоно. Тасалбарыг easyticket.mn, 1900-1199, “HIFI records” -ын бүх салбаруудаар худалдаалж байна. Дэлгэрэнгүй мэдээллийг 88441177 утаснаас лавлаарай.
Түүхийн шинжлэх ухааны доктор, түүх судлаач, багш Д.Өлзийбаатар эх орныхоо аугаа түүхээр бахархаж, улмаар эх түүхээ гүнзгийрүүлэн судлах санаа бодлыг суулгах үүднээс хүүхэд, залууст зориулан Монголын түүхийн товч тоймыг цомогт хүүрнэн хэвлүүлжээ. Тэрбээр Монгол нутагт хүн суурьшсан цагаас эхлэн ардчилсан хувьсгал хүртэлх түүхийг агуулсан “Монголчууд” сонсдог цахим түүхийн хоёр дахь хэвлэлтээ уншигч, сонсогчдоо толилуулхад бэлэн болгосон байна.