Залуучууд сүүлийн үед өөрсдийн сонирхлоороо нэгдэж клубуудыг ихээр байгуулдаг болсон билээ. Залуучуудын энэхүү үйл ажиллагааг дэмжин, тэднийг чадваржуулах, боловсрол мэдлэгтэй болгох, цагийг үр бүтээлтэй өнгөрүүлж сурах олон ажлуудыг зохион байгуулах зорилгоор Монголын залуучуудын холбоо энэ сарыг Клубүүдын сар болгон зарласан аж.
Ангилал: Нийгэм
Монголын үе үеийн эмэгтэй зохиолчдын яруу найраг, хүүрнэл зохиол, жүжиг, мюзикл, дурсамжийн ном нь бүсгүй хүний баяр жаргал, амьдралын зовлон гуниг аль алиныг нь ухааны цар, бодол бясалгал, сэрэл мэдрэмжээрээ туурвин бүтээж ард түмэндээ Монголын зохиолчдын түүхт 85 жилийн ойг тохиолдуулан барьж байгаа сэтгэлийн бэлэг ажээ.
Булган аймгийн Могод сумын иргэн Ц.Уранцэцэг “Эрүүл, аз жаргалтай байхын нууц” өгүүллээрээ ЮНЕСКО-гийн Бангкок дахь төлөөлөгчийн газар, Токиогийн Технологийн Институтээс зарласан Ази Номхон далайн кино, өгүүллийн уралдаанд шалгарч тус институтээс олгож буй “Электрон ном уншигч”-ийн эзэн болж, ЮНЕСКО-Бангкокийн нэрэмжит шагнал хүртлээ.
ОХУ-ын Пермь хотын Дуурь, бүжгийн театр арвангурав дахь жилдээ олон улсын балетын жүжигчдийн “Арабеск” наадмыг зохион байгуулах гэж байна. Энэ удаагийн наадамд 24 орны 196 балетын одод оролцох мэдүүлгээ өгчээ.
УДБЭТ-ын гоцлол дуучин Г.Шижирболд, Б.Гомбо-Очир, Б.Батжаргал нарын хамтарсан “TRE TENORI” сонгодог концерт өнөөдөр 19:00 цагт УДБЭТ-ын тайзнаа тоглогдоно. Тус тоглолтонд УДБЭТ-ын найрал дуучид, симфони найрал хөгжим оролцох бөгөөд Ж.Пуччини, Ж.Верди, Ж.Масне, Р.Леонкавалло, Ж.Бизе, Э.Куртис, С.Кардилло, А.Лара, Л.Мөрдорж нарын бүтээлүүдээс эгшиглүүлэх юм байна.
Өнөөдөр/III.27/ Олон улсын театрын өдөр тохиож байгаа юм.. Энэ өдөр 20.00 цагаас “Black Box” театр Эжен Ионескогийн “Хирснүүд” хэмээх шинэ жүжгийнхээ анхны тоглолтыг хийх юм. Харин тэд анхны тоглолтоо хэвлэл мэдээллийн салбарынханд, тодруулбал сэтгүүлчдэд зориулан үнэ төлбөргүй хийхээр шийджээ. Мэдээллийн салбарт ажиллаж байгаа хэнд ч болов энэ урилга хамаатай юм байна.
Елена Голунова таван настайдаа анх удаа нэгэн танихгүй хүнийг олж харсан гэдэг. Тухайн үедээ бяцхан охин өөрийгөө нас барсан хүний сүнсийг харж байна гэж мэдээгүй аж. Түүний ээж нь эмч байсан ч охиныхоо ярьсныг шууд л үгүйсгэн энэ талаар аавдаа ярихгүй байхыг хатуу анхааруулсан байна. Тэрбээр том болох тусмаа зөвхөн харагдаж буй сүнстэй ярилцаад зогсохгүй нас барагсдын дуу хоолойг сонсох болсноо мэдэрч эхэлжээ.
Тэртээх 1962 оноос эхлэн жил бүрийн энэ өдрийг олон улсын театрын баярын өдөр болгон дэлхий даяар өргөн дэлгэр тэмдэглэж иржээ. Манай улс энэ өдрийг 1962 оноос эхлэн тэмдэглэж ирсэн бөгөөд сүүлийн 10-н жилийн турш театр урлагийн шилдгүүдээ тодруулж алдаршуулан шагнадаг “Гэгээн муза” наадмыг амжилттай зохион байгуулж ирсэн юм. Ингээд театр урлагийн зүтгэлтнүүддээ баярын мэндийг дэвшүүлж уран бүтээлийн өндөр амжилт хүсэн ерөөе.
Нийгэм эдийн засгийн шилдгүүдийг шалгаруулдаг “Bloomberg Awards 2013” шагналтнуудаа тодрууллаа. “Bloomberg Awards 2013”-ын хамгийн эхний цом буюу “Оны шилдэг иноваци”-ийг ITZone компанийн “Эд хөрөнгийн эрхийн бүртгэлийн цахим систем” хүртлээ.
Монголын орчин цагийн уран зохиолыг үндэслэгчдийн нэг, Алдарт гавъяат уран зохиолч Сономбалжирын Буяннэмэхийн нэрэмжит “Буяннэмэхийн таван хором” яруу найргийн наадам өнөөдөр боллоо. Наадмыг түүний нэрэмжит “Буяннэмэх номын өргөө”-ний хамт олон санаачлан Монголын залуу зохиолчдын нэгдэлтэй хамтран зохион байгуулсан юм. Энэ үеэр Монгол Улсын Соёлын гавъяат зүтгэлтэн цол тэмдгээр шагнуулсан Х.Зандраабайды, До.Цэнджав нарт хүндэтгэл үзүүлж, Монголын чөлөөт зохиолчдын холбооны гишүүн О.Бяруузанын “Мэнгэт халиун” хэмээх хүүхдийн номны нээлт давхар боллоо.