Ангилал: Уртын дуу

Алдарт “Харри Поттер” киноны цуврал бүтээлүүдэд дүр бүтээсэн Эмма Уотсон урлагаас хөндийрөх хүсэлтэй явдгаа илэрхийлжээ.
Анх ердөө 11 настайдаа “Харри Поттер”-ын Хермонигийн дүрээр дэлхий нийтэд танигдсан жүжигчин бүсгүй кино урлагт цааш аялахаас залхсан байна.
Тэрбээр “Надад маш олон асуултууд, асуудлууд зэрэгцэн гарч ирсэн. Хүн бүр л намайг зөрж өнгөрөхдөө олон талаар ярьдаг. Би нийгэмд тайван амьдармаар байна. Магадгүй энэ бүх асуудал миний жүжигчний замналыг төгсгөж болно. Аль нэг газар удаан зогсох үед би яг л музейн үзмэр мэт болчихдог. Тийм ээ. Энэ хэцүү байдалтай удаан хугацаанд эвлэрэхийг оролдсон. Гэхдээ би чадахгүй” гэжээ.

Энэ талаар 22 нас шүргэж яваа Эмма Уотсон “Нью Йорк Таймс” сэтгүүлд өгсөн ярилцлагадаа дурьджээ. Харин “Сан” сонины мэдээлснээр залуу жүжигчин олны танил байхаас залхсандаа бус Холливудын өрсөлдөөнд бууж өгсөн учир уран бүтээлээ орхиж байна хэмээн дүгнэжээ.

“Grunge Rock” урсгалаар 15 жилийн турш өөрсдийн уран бүтээлээ туурвин Монголын амьд хөгжмийн хөгжилд “Alternative Rock” чиглэлийг хөгжүүлэн араасаа маш олон хамтлагийг төрүүлэх гүүр нь болсон “Нисванис” хамтлагийнхан ирэх есдүгээр сарын 18-нд “Нисванисчуудын өдөр” тоглолтоо хийх гэж байна. Долоо дахь жилдээ болох гэж буй уг метал рок тоглолтыг “Анима-Мунди” энтертайнментийнхэн зохион байгуулж байгаа аж. “Нисванисчуудын өдөр”-т мэдээж “Нисванис” хамтлаг болон ОХУ-ын “Шторм”, “Метроном”, “Булсара”, “Профетс”, “Зүгээр л”, “Хос сүх” хамтлагууд оролцон металаар доргион рок хөгжмийн шүтэн бишрэгчид амьд хөгжмийн хэмнэл дор нэг өдрийг бут авах нь ээ.

“ТВ коктейль” хамтлагийнхан Францын зохиолч Эрик-Эм­мануэль Шмиттийн бүтээлээс сэ­­дэв­лэсэн “Хоёр ертөнцийн буу­дал” хэмээх жүжгээ есдүгээр са­рын эхээр үзэгчдийн хүртээл бол­гох гэж байна. Тус жүжиг зур­гаан гол дүртэй. Гол дүрд нь тус хамтлагийн жүжигчин А.Өнөр­жаргал, Д.Энхбаяр нар тог­лох гэнэ. Жүжгийн найруулагчаар “Мө­рөөд­лийн хөлөг онгоц”, “Диваа­жин­­гаас амьдралд хүрэх зам”, “Адам”, “Бодлын хулгайч” зэрэг ки­ног найруулсан Ж.Сэнгэдорж ажил­лаж байгаа юм байна. Түүнчлэн тус хамтлагийнхан Францын Элчин сайдын яам болон зохиолч Эрик-Эмма­нуэль Шмиттээс албан ёсны зөв­шөө­рөл авсан ажээ. Цаашлаад энэхүү жүжгээ хийчихээд “ТВ коктейль”-ийнхон хүүхдэд зориулсан бүтээл хийхээр төлөвлөжээ.

Дуучин Жастин Бибер, Селена Гомез хоёр кинонд болзон зугаалж явахад нь паппарацууд салахгүй дагаснаас залуу одыг галзууртал нь уурлуулж орхижээ. Папарацуудын байнгын хараа хяналтад тэвчээр алдсан Жастин уурласандаа гэрэл зурагчид руу гутал, малгайгаа шиджээ. Гэсэн ч хэсэгтээ тайвширч чадахгүй байсан түүнийг найз охин Селена нь аргадаж тайвшруулан, малгай гутлыг нь өмсгөжээ.

Хачин жигтэй хувцаслалт болон байнга өнгөө өөрчилдөг үс нь Леди Гагагийн стилийг тодорхойлдог. Тэрээр дахин үснийхээ өнгийг өөрчилжээ. Гэхдээ илүү “энгийн” байдлаар өөрчилсөн ба үүнийгээ “Louis Vuitton бор” хэмээсэн байна.

Сурагчдын зуны амралтын төгсгөлд “Өргөө” кино театр нөгөөдрөөс эхлэн “Ice Age: Continental Drift”-ийг 3D-гээр гаргахаар болсон байна. Мөн “Өргөө-1” кино театрт тасалбар авсан хүүхэд бүрт “Орео” амттанг бэлэглэх нь. Харин “Тэнгис” кино театр энэ зун “Мадагаскар”, “Мэлхий гүнж”, “John Carter”, “Evengers” зэрэг киног 3D-гээр үзүүлж байсан бол одоо “Эрэлхэг гүнж” онц сонирхолтой хүүхэлдэйн киног энэ сарыг дуустал гаргана. Мөн Үндэсний соёл амралтын хүрээлэнд тасалбар худалдан авсан хүүхдүүдэд бэлэг өгч байна.

Өнөөдрөөс 27-ныг дуустал ”Зүүн Азийн хүүхдийн урлагийн X их наадам”-ыг Монгол улсын Ерөнхийлөгчийн ивээл дор хоёр дахь жилдээ зохион байгуулахаар болсон билээ.

Тус наадам нь Ази тивд соёлын олон төрлийг сурталчлах, хамгаалах, соёл хоорондын харилцаа холбоог хөгжүүлэх, харилцан ойлголцол, хүндлэлийг бий болгох, энх тайвныг тогтооход хүүхэд, залуучуудын оролцоог нэмэгдүүлэхэд чиглэдэг ажээ.

Монгол, Хятад, Япон, Солонгос улсын төлөөлөгч хүүхдүүд, гишүүн орнуудын ЮНЕСКО-ийн нарийн бичгийн дарга нийт 350 төлөөлөгч оролцох бөгөөд наадамд оролцох хүүхдүүд өнөөдөр ирнэ. Тодруулбал, манай улсын 100 гаруй хүүхэд, багш нар оролцохоор болжээ.

Нэрт дуучин Женнифер Лопесийн төгс эзэмшсэн өөр нэгэн мэргэжил бүжиг. Женнифер өчигдөр Лас-Вегасийн “Las Vegas” шөнийн клубт зочлохдоо папарацид өртжээ. Мэдээж тэр залуу амраг Каспер Смарттай явсан аж.

Женнифер Las Vegas-т цугларсан олон бүсгүйчүүдээс хамгийн үзэсгэлэнтэй нь байсан төдийгүй түүний дэгжин даашинзанд нүд унагах олны хараа тасраагүй гэнэ. Женнифер экс нөхөр Марк Энтонигоос салсан ч түүний ихрүүд болох дөрвөн настай Макс болон Эмми нарт хамгийн хүндтэй байр суурь эзлэх хүн нь эцэг нь хэмээн үздэг юм.

Алдарт цуврал болох ” Twilight”-н хамгийн сүүлийн анги тун удахгүй нээлтээ хийх билээ. Үзэгч фэнүүдээ тэсэн ядан хүлээлгэж байгаа цувралын сүүлийн анги адал явдал, сэтгэл хөдлөлөөр дүүрэн болсон хэмээн найруулагч нь онцолжээ. Тэгвэл киноны сүүлчийн зураг авалтууд болон триллэрийг нь хүргэе.

Монгол Улсын Ерөнхийлөгчийн Тамгын газраас санаачлан соёлын өвийг хамгаалах эрх зүйн зохицуулалт, ялангуяа палеонтологийн олдворыг хамгаалах эрх зүйн зүйн зохицуулалтыг боловсронгуй болгох талаар маргааш нээлттэй хэлэлцүүлэг зохион байгуулах гэж байна. “Иргэний танхим”-д 14.00 цагт болох уг хэлэлцүүлгийн үеэр палеонтологийн олдворыг хамгаалах олон улсын туршлага, Монгол улсад хийж буй санаачилга, цаашид хийх арга хэмжээний талаар ярилцана. Хэлэлцүүлгийн үеэр палеонтологийн олдворыг хамгаалах олон улсын туршлага, Монгол улсад хийгдэж буй санаачилга, цаашид хийх арга хэмжээний талаар ярилцана.