Монголбанкнаас гадаад валютын дуудлага худалдааг долоо хоног бүрийн мягмар, пүрэв гарагуудад тогтмол зохион байгуулдаг. Өнөөдрийн гадаад валютын дуудлага худалдаагаар банкууд ам.доллар худалдан авах санал ирүүлсэн.
Валютын дотоодын захын ам.долларын эрэлт, нийлүүлэлт тэнцвэртэй байна гэж үзээд Монголбанк энэ удаагийн ам.долларын арилжаанд оролцоогүй байна. Харин юань худалдан авах санал ирүүлсэн банкууд 214.4 төгрөгийн хаалтын ханшаар саналыг 100 хувь биелүүлжээ.
Шинээр батлагдсан компанийн тухай хуульд компанийн засаглалаар дамжуулж жижиг хувьцаа эзэмшигчдийн эрх ашгийг хамгаалах заалтуудыг нэлээд оруулсан. Тухайлбал, ашиг сонирхлын зөрчилтэй хэлцлийг зохицуулах, компанийн төлөөлөн удирдах зөвлөлийн гишүүдийн гурваас дээшгүй нь хараат бус захирал байх гэх мэтээр зохицуулав. Компанийн засаглалын тухай ярьж хэлснээс хойш авч байгаа хамгийн том алхам энэ юм.
Хятадын нүүрсний эрэлт буурч эхэллээ. Энэ байдал цаашид ч үргэлжлэх бололтой.
Хятадын томоохон боомтууд дээр сүүлийн 13 долоо хоногийн турш нүүрсний үнэ буурсан тухай “Синьхуа” агентлаг мэдээлжээ.
Энэ сард нэг тонн нүүрсийг дунджаар 626 юаниар худалдаж байгаа аж. Өнгөрсөн тавдугаар сарынхтай харьцуулахад энэ нь 20.5 хувиар буурсан үнэ юм. Эрэлт хумигдсанаас болж Хятадын томоохон боомтуудын агуулах дахь нүүрсний хэмжээ 18 сая тонноос хол давжээ. Зах зээл нь хумигдаж эхэлснээс болж асар их түүхий эд тэнд сул хэвтэж байгаа гэсэн үг.
-Эхний ээлжинд бид 2012 оны төсөв дээр үүсээд байгаа нөхцөл байдлыг судлаад төсвийн тодотгол хийх эсэх тухай асуудлыг шийдвэрлэнэ. Хүний хөгжил сангаас иргэн бүрт олгох эх орны хишиг болон төсвийн хэрэгжилтийн явц байдалтай танилцах зорилгоор Сангийн яамны холбогдох албаны хүмүүстэй уулзлаа. Засгийн газрын бүтцэд өөрчлөлт орохтой холбоотойгоор салбарын сайдын төсвийн багцын өөрчлөлтийг төсөвт тусгах шаардлага зайлшгүй гарна. Тиймээс Сангийн яамны холбогдох хүмүүстэй төсөвт тодотгол хийх чиглэлээр анхаарч ажиллаж, бэлтгэл ажлаа хангах талаар ярилцсан.
ДНБ оны үнээр өмнөх оны мөн үеийнхээс 2012 оны эхний хагас жилд 25.2 хувиар өсч, 6185.7 тэрбум төгрөгт хүрлээ. ДНБ 2005 оны зэрэгцүүлэх үнээр 2429.2 тэрбум төгрөгт хүрч, өмнөх оны мөн үеийнхээс 13.2 хувиар өссөн байна. Хэрэглээний үнийн улсын индекс 2012 оны эхний долоон сард өмнөх сарынхаас 0.6 хувь, оны эхнээс 10.4 хувь, өмнөх оны мөн үеийнхээс 14.5 хувиар тус тус өсчээ.
Төмөрлөг үйлдвэрийн гол түүхий эд болох төмрийн хүдрийн хэрэгцээ дэлхийн зах зээлд өсөн нэмэгдэж, үнэ нь өнгөрсөн оныхоос бараг хоёр дахин өссөн.
Зэс монголчуудын амьдрал ахуйд голлох нөлөө үзүүлсээр ирсэн. Он гарсаар эрдэс баялгийн түүхий эд дэлхийн зах зээл дээр савалгаатай байгаа. Үүнд манай улсын эдийн засгийн гол хөшүүрэг болсон зэс болон нүүрсний ханш унаж буй нь түгшүүртэй хэрэг болоод байна. Хятад улс зэсийн хамгийн том хэрэглэгч. Дараа нь Америк ордог. Тэгэхээр Хятадын эдийн засаг суларч, Америк араас нь дагавал зэсийн ханш 4-5 мянган ам.доллар хүртэл маш хурдан буух эрсдэлтэй. Энэ тохиолдолд манай улсын эдийн засагт ордог 800 орчим сая ам.долларын орлого буурна гэсэн үг.
Уул уурхайн салбарын мэргэжилтэн, хөрөнгө оруулагчид болон бодлого боловсруулагчид гээд энэ салбарын бүхий л төлөөллийг нэгэн дор цуглуулдаг “Discover Mongolia 2012” олон улсын чуулга уулзалт наймдугаар сарын 30, 31-нд Монголын хүүхдийн ордонд болох гэж байна. Энэ удаагийн чуулга уулзалт өмнөх жилүүдийн уламжлал ёсоор олон улсын бага хурал, Засгийн газрын цаг, оролцогч компаниудын үзэсгэлэн, уурхайн үйл ажиллагаатай танилцах гэсэн дөрвөн үндсэн чиглэлийн дагуу болох юм байна.
2012 оны 8-р сарын 1-ний байдлаар гол нэрийн барааны үнийг дүнгээр нь өмнөх сарын дундаж үнэтэй харьцуулахад 0.1 хувь, өмнөх 7 хоногийн дундаж үнэтэй харьцуулахад 0.7 хувиар өссөн байна.
Махны дундаж үнэ: 2012 оны 8-р сарын 1-ний байдлаар өмнөх сарын дундаж үнэтэй харьцуулахад үхрийн махны үнэ 0.7-3.4 хувь, адууны махны үнэ 1.2 хувь, хонины махны үнэ 2.8 хувиар буурсан бол,
Наймдугаар сарын 1-ний байдлаар гол нэрийн барааны үнийг дүнгээр нь өмнөх сарын дундаж үнэтэй харьцуулахад 0.1 хувь, өмнөх долоо хоногийн дундаж үнэтэй харьцуулахад 0.7 хувиар өссөн байна гэж Үндэсний статистикийн хорооноос мэдээллээ.
Махны дундаж үнэ: 2012 оны 8-р сарын 1-ний байдлаар өмнөх сарын дундаж үнэтэй харьцуулахад үхрийн махны үнэ 0.7-3.4 хувь, адууны махны үнэ 1.2 хувь, хонины махны үнэ 2.8 хувиар буурсан бол, ямааны махны үнэ 1.8 хувиар өссөн байна. Харин өмнөх 7 хоногийн үнэтэй харьцуулахад үхрийн махны үнэ 0.4-3.6 хувь, хонины махны үнэ 0.7 хувь, адууны махны үнэ 4.2 хувь, ямааны махны үнэ 6.2 хувиар өсчээ.
