Леди Гага ойрын үед сэтгүүлчдэд ярилцлага өгөхөө бүрэн зогсоож, улмаар хэвлэл мэдээллийн хэрэгсэлтэй ямар нэг байдлаар харьцахаа болих гэж байгаагаа мэдэгдсэн байна. Түүний сүүлийн ярилцлага нь Опра Уинфритэй хийсэн яриа болох ажээ. Ярианы бичлэгийг 3-р сарын 18-нд Oprah’s Next Chapter хөтөлбөрөөр үзүүлсэн. Ярилцлагад дуучин бүсгүйн ээж Синтия Жерманотта оролцсон байна.
Леди Гагагийн өөрийнх нь хэлж байгаагаар бол Опра Уинфритэй ярилцаснаас хойш нь ер нь сэтгүүлчидтэй яриад байх зүйл огт байхгүй болсон гэнэ. Тиймээс ярих юмтай болох хүртлээ ийнхүү хэвлэл мэдээллийн хэрэгслүүдтэй холбоогоо таслаж байгаа юм байх. Леди Гага нь өнгөрсөн оны тавдугаар сард хоёр дахь бүрэн цомгоо гаргасан. Энэ оны дөрөвдүгээр сарын сүүлээс эхлэн Леди Гага нь Born This Way Ball нэртэй концертийн аялан тоглолтоор явна. Одоогоор Ази, Шинэ Зеланд, Австрали зэрэг улсуудад 30 гаруй тоглолт хийхээр болсноо мэдэгдээд байгаа юм. Аялан тоглолт нь 2013 он хүртэл явагдах юм байна.
