Go Adventure Studio- ын бүтээл "Тагнуулч аав" инээдмийн уран сайхны киноны албан ёсны trailer гарлаа. Киноны ерөнхий найруулагчаар Д.Галбаяр ажилласан бол продюсерээр Д.Хүрэлхүү ажиллажээ. Тагнуулч аав киноны дүрүүдэд Д.Хүрэлхүү, Х.Намуун, И.Одончимэг, З.Намундарь, П.Эрдэнэзаан, Э.Энэрэл, Д.Бямбацогт, Б.Балжинням, О.Бат-Өлзий, Б.Тамир гээд аав ээжтэйгээ хамт залуучууд тоглосноороо онцлог. Тагнуулч аав уран сайхны киноны нээлтийн тов зарлагдаагүй байгаа ч удахгүй кино театруудын дэлгэцнээ гарч эхлэх юм байна.
Таван жилийн өмнөөс хурим найр хийлгүйгээр нэг гэрт орсон хосын үл ойлголцоно. Тэднийг эвлэрүүлэх нь хэсэг залуусын үүрэг болно. Залуусын хувьд энэхүү үүргээ нэр төртэйгээр гүйцэтгэхийн тулд олон адал явдалтай учрах бөгөөд тэр бүхнийг сонирхолтойгоор “Тагнуулч аав” кинонд үзүүлэх нь зөвхөн эхлэл хэсэг. Монголын кино урлагт данстай жүжигчид хүүхдүүдтэйгээ хамт тоглож, үзэгчдэд хүлээлт үүсгээд байгаа энэ киноны дууг “Mixx” хамтлаг дуулсан бөгөөд удахгүй үзэгчдийн хүртээл болох юм.
Дашрамд дуулгахад "Тагнуулч аав" кино төслөөс зохиож байгаа "Яг аав яг ээж" фото зургийн уралдаанд уншигч та оролцох боломжтой. Тодруулбал уралдаанд оролцохдоо та аавтайгаа, ээжтэйгээ, хүүтэйгээ, охинтойгоо авахуулсан зургаа "[email protected]" хаягаар зургаа илгээх бөгөөд хамгийн олон like цуглуулж чадсанаар ялагчийн шагнал авах юм байна. Ялагч энэ сарын сүүлээр дэлгэцэнд гарах тус киноны нээлтийг гэр бүлээрээ үзэх урилга, кино группийн хамт олны зүгээс бэлдсэн гарын бэлгийн эзэн болох юм.
Ингээд “Тагнуулч аав” УСК-ны албан ёсны анхны трейлерийг хүргэе.
www.URLAG.mn
