Монголын сайхан бүсгүйчүүдийн нэг “Miss Mognolia-2005” тэмцээний тэргүүн байрын шагналт мисс Б.Гантогоо усны дусал шиг адилхан нэгэн дүүтэй.Түүний дүүг Б.Кана гэдэг ба шүлэг яруу найраг сонирхон бичдэг чамгүй авьяаслаг нэгэн юм.
Түүний шүлгүүдээс та бүхэндээ олныг хүргэж байсан билээ. энэ удаад Канагийн "Айлын эрх охинд молиго үмхүүлэн суугаа .." хэмээх шүлгийг хүргэе.
Айлын эрх охинд молиго үмхүүлэн суугаа
Амьдралыг дожооны цоорхойгоор харагч
Арчаагүй залуу авгайнхаа өвөрт эвхэрнэ
Аргаа барсан охин амь тавин хүлээнэ…
Нөхөрт яарах сэтгэлгээ чинь яаруу байна
Нөхцөл байдлыг харах сөхөөгүй явна
Нэг мэдэхэд чи цээжиндэхээ өгнө
Нөгөөдөх нь харин голонгүй авна…
Эрээвэр хураавар амьдрал ээлжилнэ
Ээж шигээ хүнийг гомдооцон тууна
Эрлэг ч хаалга тайлахгүй зугатахад
Энэ бүхэн хуурамч гэдгийг ухаарна…
Томоожин дуугаа хурааж хэсэгтээ нуугдана
Томчуулд таалагдах гэж ахин нахина
Толио нь арилаагүй насаа гутаан
Торноосоо цухуйна хэсэгтээ жаргана…
Нөхөрт гарах хүсэл түүнийг ийм болгож
Нэг насаараа гэмших учиралд хүргэж
Нийтийн жишгийг дагах сөхөөгүй явсан
Нэр нь үл мэдэх хэдэн охид…
Халаглах өдөр ирэх үед ухааравч
Халаас нимгэн харчуулыг эс тооно
Толинд өөрийгөө харан гэнт анзааравч
Том нүгэлтэн гэсэн нүд харагдана…
Азгүйгээ гайхаж нүүрээ даран уйлавч
Алдаа ямар буцах биш дээ ухаар
Амьдын тамд унаж үхэхгүйн тулд охин минь
Авгайтай хүний амраг битгий бол…
Хориж боломгүй хорин насаа хайрла
Аргадаж боломгүй арван найман насаа нандигна…
|Ашиглах боломж хэнд ч битгий өг…
Кана.Б
