“Уянга”, “Forever” зэрэг дуунуудаараа үзэгчдийг байлдан дагуулж чадсан амьд хөгжмийн “A sound” хамтлаг энэ сарын 14, 15-нд СТӨ-нд гурав дахь бие даасан тоглолтоо хийх гэж байсан ч тоглолт нь түр хугацаагаар хойшлогдсон байна.
Энэ талаар хамтлагийн гитарчин Мөөжийгөөс тодруулахад “Манай хамтлагийн тоглолт ирэх сар хүртэл хойшлогдлоо. Одоогоор тоглолтын товоо гаргаагүй байна. Тиймээс үзэгч фэнүүдээсээ хүлцэл өчье” гэв.
Тоглолтод хит дуунуудаасаа сонордуулахаас гадна шинээр бүтээж буй хэд хэдэн дуугаа толилуулах гэнэ. Түүнчлэн бусад уран бүтээлчидтэй хамтарсан дуунуудаа ч дуулах юм байна. Ямартай ч “A sound” хамтлагийн гурав дахь бие даасан тоглолтыг үзэгч фэнүүд нь нэг сар хүлээх нь ээ.
www.URLAG.mn
