Энэ жил монголын рок, попын урлагт өөрсдийгөө тодоор тамгалсан "Харанга" хамтлаг 25 дахь жилтэйгээ золгож байна. Хамтлагийн ойдоо зориулан хамтлагийн гишүүд бие даасан тоглолтоо хийж сонсогч фенүүддээ бэлэг барьж байгаа билээ.
МУУГЗ, хөгжмийн зохиолч Ц.Чулуунбат их урлагт зүтгэсэн 40 жилийнхээ ойд зориулан уран бүтээлийн бие даасан тав дахь тоглолтоо “Содон аялгуу” нэртэйгээр 9 дүгээр сарын 27, 28-нд "Улаанбаатар палас"-ын концертын их танхимд тоглоно.
200 гаруй хүн оролцож буй амьд хөгжмийн тоглолтын найруулгыг Н.Халиун хийх бол С.Гантөмөр, Ц.Байдраг, Ц.Алтангэрэл, Д.Мөнхболд, Ю.Батпүрэв нарын хөгжимчид тоглох нь ээ. Гурван цаг гаруй үргэлжлэх түүний тоглолтод “Харанга”, “Чингис хаан”, “Никитон”, “Sweetymotion”, “Гурван охин” хамтлаг, Б.Баярцэцэг, гавьяат жүжигчин Т.Ариунаа, Б.Сарантуяа, Ж.Алтанцэцэг тэргүүтэй уран бүтээлчид оролцож, содон аялгууг хүргэх юм.
Хамтлагийн ахлагч Ц.Чулуунбат уран бүтээлдээ орсон бөгөөд СГЗ З.Түмэнжаргалын үг, УГЗ Ц.Чулуунбатын аялгуу "Дурсамжийн бороо" шинэ дуугаа дүрсжүүлсэн байна. Та бүхэндээ энэхүү сайхан уран бүтээлийг хүргэе.
www.URLAG.mn
