Монголын рок попын түүхэнд 20-н жилийн турш буцалтгүй, бутрашгүй, бүхнийг байлдан дагуулсаар ирсэн хамтлаг бол “Хурд” гэдэгтэй хүн бүр санал нийлэх бизээ. Тус хамтлаг 20-н жилийн ойдоо зориулж олон гайхалтай үйл ажиллагааг зохион байгуулж байгаа бөгөөд тэртээх 1993 оноос тасралтгүй, ухрашгүй уран бүтээлээ туурвисаар ийнхүү 20-н жилийг ардаа орхижээ. Тэдний үнэнч фенүүддээ зориулсан 20-н жилийн ойн хүндэтгэлийн тоглолт энэ сарын 29,30-ны өдрүүдэд "UB" паласын их танхимд болох гэж байгаа билээ.
Ойн тоглолттойгоо холбогдуулан 20-н жилийн турш хамтдаа байж ирсэн үнэнч фенүүддээ гэнэтийн бэлэг барьж хит болсон гайхалтай дуунуудаа хамтран дуулах алтан боломжыг олгосон нь ийнхүү биеллээ олжээ. Мөн тэдний хамтдаа дуулсан алтан мөчийг дүрсжүүлснийг нь та бүхэндээ хүргэж байна.
www.URLAG.mn
