Өнгөрөгч онд бидэнтэй хамтдаа уйлж инээж, урвайж гонсойж, баярлаж хөөрч, бахдаж гайхсан арт кино сонирхогч та бүхэндээ Алтан хальс холбоо шинэ оны бэлгээ задлахад бэлэн боллоо.
“Урагшлах тусам намсаж, хойшлох тутам өндөрсөх зориулалтын суудлууд,
Урд хойно хаана ч жигд сайн сонсогдох акустик бүхий танхим,
Уужим өргөн цагаан дэлгэцтэй хуучны ностальжик орчин,
Улаанбаатар хотын төвд үзэгч та бүхнийг хүлээж байна.”
Хадмал орчуулга харагдахгүй гэхийн зовлонгүй, хоёр чихээ дэлдийтэл анирдах шаардлагагүй, 210 хүний суудалтай хосгүй сайхан кино танхим таныг угтана. Шинэ оны долоо хоног бүр 14.00 цагаас Энхтайван найрамдлын ордонд уулзацгаая.
Хэзээ/хаана: 2014 оны эхний кино 1 сарын 4-ний 14 цагт Энхтайван найрамдлын ордонд!
Кино: Мексикийн Тарковский – Карлос Рейгадасын “Түнэр харанхуйн дараах гэрэл” (15+)!
Kиноны товч агуулга: Хотын гэр бүл Мексикийн хөдөө нутагт нүүж иржээ. Гэвч хоёр өөр төрлийн бодит байдлын мөргөлдөөнөөс төсөөлж мэдэшгүй үзэгдлүүд улбаалан төрнө. Энэ кино 2012 оны Каннын кино наадмаас шилдэг найруулагчийн шагналыг өвөртөлсөн юм.
Онцлох: Мөн киноны дараа эдийн засагч, кино найруулагч Төмөрийн Мөнх-Оргил “Америк шоронгоос хувьсгалын зам руу” номоо танилцуулж сонирхсон үзэгчдэд бэлэг болгон өгнө.
Үзвэр төлбөртэй. Таны төлбөр цагтаа ирэх!
Киноны трэйлэр: http://www.youtube.com/watch?v=zYeXnNzJ89Y
