Соёл урлагийн их сургуулийн Хөгжмийн урлагийн сургууль Монголд анх удаа сургалтандаа хөгжмийн лаборатори студи нэвтрүүллээ. Хөгжмийн найруулагч болон хөгжмийн зохиолчийн ангийн оюутнууд тус студид өөрсдөө найруулгаа хийж, мэргэжлийн тоног төхөөрөмжин дээр мэдлэгээ ахиулах боломжтой аж. Цахим хөгжмийн зэмсэг ашиглан хийсэн уран бүтээл нь дугаралтын хувьд амьд хөгжмөөс ялгарахгүй сонсогддог юм байна.
Дэлхийд хүлээн зөвшөөрөгдсөн дуу бичлэгийн студид хэрэглэдэг тоног төхөөрөмжийг сургалтанд нэвтрүүлснээр оюутнууд мэргэжлийн түвшинд дадлагажиж, орчин үеийн техник технологийн дэвшилтэй хөл нийлүүлэн алхах боломжтой болжээ.
П.Наран
