Холливудын алдарт жүжигчин Том Крузд АНУ-ын Тэнгисийн явган цэргийн энгийн иргэдэд олгодог хүндэт шагналыг хүртээжээ. Тодруулбал, түүнийг бүтээсэн дүрүүдээрээ Тэнгисийн явган цэрэгт өндөр хувь нэмэр оруулсан хэмээн үнэлсэн аж. Тухайлбал, Том Крузын гол дүрд нь тоглосон “Top Gun” кино 1986 онд олны хүртээл болоход түүний нөлөөгөөр АНУ-ын зэвсэгт хүчинд, ялангуяа тэнгисийн явган цэрэгт элсэх залуусын тоо хэмжээ огцом өсөж байсан аж. Түүнчлэн 2022 онд дэлгэцнээ гарсан “Top Gun: Maverick” кино болон “Долдугаар сарын 4-нд төрсөн”, “Цөөн сайн эрс” зэрэг уран сайхны кино, “Биелэгдэшгүй даалгавар” цуврал кинонд бүтээсэн цэрэг болон тагнуулын дүрийг нь мөн онцолжээ.
Өдгөө 62 настай жүжигчин Том Круиз одоогоор ирэх тавдугаар сард дэлгэцнээ гарах “Биелэгдэшгүй даалгавар” цувралын наймдугаар анги болох “Mission Impossible: The Final Reckoning” киноны зураг авалтад оролцож буй бөгөөд эл киноны зургийг авахуулж буй Их Британийн Сюррей хот дахь “Лонгкросс” кино студийн байранд мягмар гараг /2024.12.17/-т АНУ-ын Тэнгисийн явган цэргийн төрийн нарийн бичгийн дарга Карлос Дел Торо түүнд одон медаль болон дипломыг гардуулсан аж.
Сонирхуулахад, Том Круизээс өмнө АНУ-ын Тэнгисийн явган цэргийн энэхүү хүндэт шагналыг “Цэрэг Райныг аварсан нь” киногоороо найруулагч Стивен Спилберг, жүжигчин Том Хэнкс нар хүртэж байжээ.
