“Netflix”-ийн цуврал “Squid Game” кино өмнөх бүлгийн амжилтаа ахиулан нээлтээ хийсэн долоо хоногтоо хамгийн олон хүн үзсэн кино болж дээд амжилт тогтоолоо. Тодруулбал, тус цуврал өнгөрсөн оны арванхоёрдугаар сарын 26-нд нээлтээ хийж, дөрөв хоногийн дотор 68 сая хандалт авсан байна. Ингэснээр нээлтээ хийсэн эхний долоо хоногтоо хамгийн өндөр хандалт авсан гадаад хэл дээрх телевизийн арван цувралын нэгдүгээрт бичигдэж буй явдал юм. Түүнчлэн тус уран бүтээл өмнөх бүлгийн амжилтаа 18 сая хандалтаар ахиулж, дэлхийн 92 оронд үзэлтээрээ тэргүүлээд байна. Мөн тус кино нь гадаад хэл дээрх шилдэг арван киноны жагсаалтын долдугаарт эрэмбэлэгдэж эхэлжээ. Тус жагсаалтыг “Squid Game” цувралын эхний бүлэг тэргүүлдэг байна.
