“Хувьсал” продакшн дэлгэцийн ес дэх уран бүтээлээ “Аминч” нэртэйгээр үзэгчдийн хүртээл болгох гэж байна. “Team Hero”-тэй хамтран бүтээсэн эл уран бүтээлийн зохиолыг Г.Бямбасүрэн, Б.Баатар нар хамтран бичсэн бол ерөнхий продюсероор Ц.Анударь, ерөнхий найруулагчаар Г.Бямбасүрэн ажиллажээ. Харин энэхүү уран бүтээлийн гол дүрд Гавьяат жүжигчин У.Уранчимэг, реппер ThunderZ буюу Б.Өлзий-Учрал тоглосон байна. Энэ нь реппер ThunderZ-ийн гол дүрд нь тоглосон дэлгэцийн анхны уран бүтээл бөгөөд өмнө нь “Хувьсал” продакшны “Ноён эмэгтэй” дууг дуулсанаар эл продакшнтай хамтран ажиллаж эхэлсэн юм.
Орчин цагийн хөгжмийн ертөнцөд өөрийн өнгө аяс, уран бүтээлээрээ аргагүй ялгардаг реппер ThunderZ нь “Backyard” тэмцээний ялагч болсноор сонсогчдод танигдаж, улмаар “Тоонот” прокдашнд харьяалагдсанаар уран бүтээлээ тасралтгүй хүргэж буй. Түүнчлэн тэрбээр уран бүтээл болон өөрийн цахим хуудсуудаараа дамжуулан залуусыг нийгмийн эерэг зүйлд уриалдаг гэдгээрээ үнэлэгддэг уран бүтээлч юм.
Реппер ThunderZ-ийн тоглосон “Аминч” уран сайхны кино ирэх гуравдугаар сарын 7-ноос кинотеатруудаар гарч эхлэх аж.
