Найруулагч, зураглаач Д.Ангараг удахгүй болох Оскарын улаан хивснэээ алхах гэж байна. Түүнийг Америкийн кино зураглаачдын холбооноос Америкийн кино академийн шагнал гардуулах “Оскар”-ын ёслолын бүх арга хэмжээнд оролцох урилга гарджээ. 86 дахь удаагийн “Оскар” наадам гуравдугаар сарын 2-нд Лос-Анжелос хотноо болно. Энэ удаагийн “Оскар” 24 ангилалд шилдгүүдийг нэрлэх юм.
Харин Д.Ангараг үүнээс өмнө Италид багагүй хугацаагаанд байж, ажил төрлөө амжуулах тул явах эсэхээ хараахан шийдээгүй байгаа гэнэ. Дашрамд дурьдахад, тэрбээр хоёр түүхэн киноны зураг авалтыг хийхээр төлөвлөн ажиллаж байгаа аж. Нэг нь аварга Д.Хадбаатарын тухай өгүүлэх кино бол нөгөө нь Өүлэн эхийн тухай кино ажээ.
www.URLAG.mn
