Улсын хүүхэлдэйн театрын хамт олон ирэх амралтын өдрүүдэд буюу хоёрдугаар сарын 8, 9-нд 11.00 цагаас “Долоон өндөгтэй доголон шаазгай”, 15.00 цагаас “Одноос төрсөн ханхүү” хүүхэлдэйн жүжгүүдээ хүүхэд багачуудад зориулан толилуулах гэж байна.
- Найруулагч: М.Ариунтуяа
- Зураач: В.Энх-Амгалан
Дүрүүд:
- Шаазгай: Д.Батмөнх
- Үнэг: Ц.Эрдэнэцэцэг
- Хулгана: Д.Энхбат / Н.Отгонтөгс
- Улиас мод 1/Өгүүлэгч: П.Эрдэнэзаяа
- Улиас мод 2: Э.Ганчимэг
Ойн захад нэгэн том улиас модонд долоон өндөгтэй доголон шаазгай амьдран суудаг байж ээ. Зальт үнэг шаазгайг мэхлэн айлгаж өдөр бүр нэг өндөг авсаар байгаад хөөрхий шаазгай дөрөвхөн өндөгтэй үлджээ. Тэрээр зальт шар үнэгнээс үлдсэн өндөг өө хэрхэн хамгаалахаа мэдэхгүй гуниглан уйлсанд дэргэдэх нүхнээс оготно гарч ирэн учрыг асууна. Жижигхэн бор оготно мэргэн ухаан гарган зальт шар үнэгнээс өөрийгөө болон шаазгай найзыгаа аварна.
- Найруулагч: М.Ариунтуяа
- Хөгжмийн зохиолч: Г.Энхбаяр
- Дууны найруулагч: Э.Базарханд
- Гэрлийн найруулагч: Х.Камесхан
Ид шидийн гэмээр энэ ертөнцөд хэн нэгний төлөө одод асаж унтарч байдаг, хүмүүс ч хэн нэгний төлөө амьдардаг юм.
