Урлаг, уран зохиолын сонирхолтой эвент, арга хэмжээ санаачилдаг “Кафка локал бар” ресторан энэ сарын 7-нд буюу баасан гарагт “Эрчүүдийн яруу найргийн үдэш” зохион байгуулахаар болжээ. Эл арга хэмжээнд зөвхөн эрэгтэй яруу найрагчид оролцож, шүлэг, туурвилаа тайзнаас уншин, урлаг, уран бүтээлийн талаар сонирхолтой яриа өрнүүлэх нь. Өвөр Монголоос зохиолч, яруу найрагчид урилгаар оролцох аж.
Зохион байгуулагчид нь “Эсрэг хүйсний ямар ч үзэгч, сонсогчгүй үед эрэгтэй яруу найрагчид ямархуу шүлэг унших бол гэдэг сониуч зангийн үүднээс үүнийг санаачилсан” гэж дурджээ. Мөн тус рестораныхан долоо хоног бүр дэлхийн шилдэг кинонуудыг дэлгэцээр гаргаж буй гэнэ. Өнөөдөр гэхэд “Norwegian wood”, ням гарагт “Endless poetry” киног үзэгчдийн хүртээл болгох нь.
