“Люмино” хамтлаг ирэх наймдугаар сард бие даасан тоглолтоо Төв цэнгэлдэх хүрээлэнд хийхээр болжээ.
Тус хамтлагийнхан албан ёсны фэйсбүүк хуудсандаа “Люмино” хамтлаг өөрсдийн бие даасан Төв цэнгэлдэх хүрээлэн дэх анхны тоглолтоо энэ жил буюу 2025 оны наймдугаар сард хийх гэж байна. Тоглолт маань чанарын өндөр түвшинд болно. Чанар бол “Люмино” хамтлагийн урдаа барьдаг ганц зүйл байсаар ирснийг сонсогчид та бүхэн маань мэдэх байх. 27 жилийн түүхээр аялж, 100 хувь амьд болох тоглолтдоо бүх насны сонсогчид та бүхнийгээ урьж байна” гэжээ.
