Монгол Улсын Ардын жүжигчин, алдарт баритон Э.Амартүвшин өнгөрсөн хоёрдугаар сарын 28-нд Чех улсын Прага хотын филармоны “Smetana hall”-д Арменийн дуучин Жулиана Григорянтай хамтарсан тоглолт хийсэн.
Тус тоглолтын талаар Чехийн урлаг судлаач Ян Себастьян Томса шүүмж бичсэн байна. “Амартүвшин хэмээх гоц үзэгдэл ба дуулах урлагийн ноён оргил” хэмээх шүүмждээ тэрбээр “Түүний дуу хоолой агуу юм. Сүрдэн биширмээр юм. Гэхдээ дэлбэрч, тэсэрсэн юмгүй, орилж хашхирах нь үгүй, хүчлэн дарсан мэдрэмж огт төрүүлэхгүй. Хүч чадал нь нэгэн цул юм. Газар сайгүй түгэн дуурсах юм… Э.Амартүвшин сэтгэл хөдлөлийг хөгжмөөр хэрхэн илэрхийлж болохыг харуулахын хамт огтоос хичээсэн шинжгүй харагдах нь гайхалтай” гэж онцолжээ.
Эх сурвалж: Mongoliapress сайт
