“М Банк” нь Монголд анх удаа нийгмийн эрүүл мэндийг дэмжих, спортайнмент салбарын хөгжлийг шинэ түвшинд гаргахыг зорьж “Уранган” групптэй хамтын ажиллагаа эхлүүллээ. Тэд спортайнмент салбарыг илүү хөгжүүлж, олон улсын хэмжээний үйл ажиллагаа зохион байгуулах зорилгоор нийгмийн хариуцлагын хүрээнд спортайнмент салбарт таван тэрбумын хөрөнгө оруулалт хийсэн байна. Энэхүү томоохон хамтын ажиллагаа нь таван жилийн хугацаанд үргэлжлэх ба тус хугацаанд дэд бүтцийг сайжруулах, олон улсын хэмжээний арга хэмжээ зохион байгуулах, олон нийтийн эрүүл мэнд, сайн сайхан байдлыг дэмжих томоохон бүтээн байгуулалтууд хийгдэх аж. Улмаар “UG аrena”-гийн нэрийг “M bank arena” болгон өөрчиллөө.
Ташрамд дурдахад, сагсан бөмбөгийн түүхэнд дэх багууд өөрсдийн ордонг ивээн тэтгэгчийнхээ нэрээр болон наймаалцаж, байгууллагын нэрээр нэрлэж байсан тохиолдол хэд хэд бий. Үүнээс жишээ дурдвал, 2021 онд “Los Angeles Lakers” ерөнхий ивээн тэтгэгч болох “Crypto.com” компанитай 700 сая төгрөгөөр наймаалцаж, “Crypto.com arena” болгон өөрчилж байв. Мөн “Miami Heat” баг FTX-тэй наймаалцаж, “FTX аrena” болгон өөрчилсөн байна. “Boston Celtics” 2005 онд “Boston garden”-ыг “TD garden” болгож өөрчилж байжээ.
