Улсын драмын эрдмийн театрын бүтээл, Монголын зохиолчдын эвлэлийн шагналт Б.Цогнэмэхийн зохиол, найруулагч Төрийн соёрхолт, Урлагийн гавьяат зүтгэлтэн Н.Наранбаатарын найруулга “Тэнгэрийн хүү” түүхэн туульсын жүжгийг ирэх дөрөвдүгээр сарын 4, 5, 6-нд дахин тоглох гэж байна.
Ташрамд дурдахад, УДЭТ-ын уранн бүтээлчид энэхүү “Тэнгэрийн хүү” жүжгээ Унгар улсын Будапешт хотын Үндэсний театрын тайзнаа ирэх дөрөвдүгээр сарын 25, 26-ны өдрүүдэд тоглоно. Ингэхдээ дэлхийн театрын томоохон наадмуудын нэг болох 12 дахь удаагийн “МИТЕМ” фестивалийг “Тэнгэрийн хүү” жүжгээр нээх юм байна. Тус наадамд Турк, Болгар, Грек, Израиль, Румын, Мексик, Хятад, Япон, Итали, Франц зэрэг театруудын тоглолтуудаас гадна фестивалийн түүхэнд анх удаа Монгол Улсын уран бүтээлчид “Тэнгэрийн хүү” жүжгээрээ оролцох юм. Түүнчлэн Унгар улсад ажиллаж, амьдарч байгаа Монголчууд болон Унгарын үзэгчдэд “Тэнгэрийн хүү” жүжгийг толилуулах аж.
