Венецийн дүрслэх урлагийн олон улсын биенналийн ерөнхийлөгч Пиетранжело Буттафуоко өөрийн багийн гишүүд болох куратор Луижиа Лонарделли, Флоренцийн уран зургийн академийн профессор Мариаграциа Понторно, Венецийн биенналийн сангийн тэргүүн Андреа Дел Меркато, Венецийн биенналийн түүхийн архивын захирал, өмгөөлөгч Дебора Росси, Венецийн “Ca’Foscari” их сургуулийн профессор Елизабетта Раганин болон Итали Улсаас Монгол Улсад суугаа Элчин сайдын яамны мэргэжилтэн Косимо Палажиано нарын хамт Занабазарын нэрэмжит Дүрслэх урлагийн музейгээр зочиллоо.
Найрсаг уулзалтаар музейн сан хөмрөгийг бүрдүүлэгч хосгүй үнэт, дахин давтагдашгүй үзмэр бүтээлүүдийн тухай болон Монголын дүрслэх урлагийн талаар сонирхолтой яриа өрнүүлэн харилцан санал солилцлоо.
Уулзалтын үеэр Венецийн дүрслэх урлагийн олон улсын биенналийн ерөнхийлөгч Пиетранжело Буттафуоко Занабазарын нэрэмжит Дүрслэх урлагийн музейн хүндэт дэвтэрт сэтгэгдлээ бичиж үлдээлээ.
