Төрийн шагналт, Ардын жүжигчин, нэрт хөгжмийн зохиолч Ж.Чулууны “Уран Хас” бүжгэн жүжиг бол монголчуудын сэтгэлд мөнхөд эгшиглэх үндэсний сонгодог бүтээлийн оргил билээ. “Уран Хас” бүжгэн жүжгийн удиртгал хэсэгт вальс, буга согооны бүжиг гээд суут хүмүүний туурвилаас сонсож хоногшсон аялгуу олон бий. Энэхүү алдарт бүжгэн жүжгийг өнгөрөгч сард Улсын дуурь, бүжгийн эрдмийн театрын тайзнаа тоглосон. Уг тоглолтын үеэр “Чулуун” сангийн тэргүүн, Ардын жүжигчин удирдаач Чулууны Чинбат “Уран Хас” бүжгэн жүжгийн пянзны дээжээс театрын хамт олонд гардуулан өгсөн юм.
Тэгвэл энэ сард уг пянзны албан ёсны нээлтийг хийхээр болсон. Тодруулбал, энэ сарын 13-ны өдөр “Уран хас” пянзны нээлтийг хийхээр болсныг “Чулуун” сангаас зарласан байна. Энэхүү пянзны арга хэмжээ Улсын дуурь, бүжгийн эрдмийн теарт болох юм байна.
