“Pro” театрынхан Александр Вампиловын “Нугасны ан” жүжгийн зохиолыг “Сүүлчийн бороо” нэрээр, мета драмын жүжиг хэлбэрээр РЦНК буюу Оросын шинжлэх ухаан, соёлын төвд энэ сарын 9-нөөс эхлэн толилуулж буй. Тэгвэл эл жүжгийн хаалтын тоглолтууд эхэллээ. Тодруулбал, “Сүүлчийн бороо” жүжгийн энэ дөрөвдүгээр сарын 25, 26, 27-нд тоглоод хаах юм байна.
“Сүүлчийн бороо” жүжигт найз нөхдийн харилцаа, хайр сэтгэл, хувь хүний дотоод зөрчил, амьдралын үнэ цэнийг хөндөх бөгөөд жүжгийг Б.Анхбаатар найруулж, дүрүүдэд З.Булган, Б.Билгүүн, Б.Даваасүрэн, М.Лхагва, Э.Буд-Эрдэнэ, Э.Сүмбэ, Г.Анузул, Д.Цолмон, Т.Тэгш-Алдар нар тоглож байна.
