Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Гадаад мэдээ»Алдарт “Soundgarden” гранж рок хамтлаг рок-н-роллын алдрын танхимд мөнхөрнө
Гадаад мэдээ

Алдарт “Soundgarden” гранж рок хамтлаг рок-н-роллын алдрын танхимд мөнхөрнө

Урлаг Урлаг29/04/2025Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

АНУ-ын Охайо мужийн Кливленд хотод байрлах “Rock and Roll Hall of Fame” буюу рок-н-роллын алдрын танхим хэмээх дуу хөгжмийн музейд мөнхлөгдөх уран бүтээлчдийн нэрс ням гараг /2025.04.27/-т тодорсон байна.

Энэ жил нийт 14 нэр дэвшигч өрсөлдсөнөөс долоон хамтлаг, уран бүтээлч рок-н-роллын алдрын танхимд нэрээ үлдээж, мөнхлөгдөх уран бүтээлчдээр тодорсны нэг нь Сиэттл хотоос гаралтай, алдарт “Soundgarden” гранж рок хамтлаг аж.

Америкийн Сиэттл хотоос үүсэлтэй гэгддэг гранж рок хөгжмийн урсгалыг домогт “Nirvana” хамтлаг 1990-ээд оны эхээр дэлхийд түгээж байсан бол “Soundgarden”, “Alice In Chains”, “Pearl Jam”, “Stone Temple Pilots”, “Mudhoney”, “Tad”, “Bush” зэрэг энэхүү урсгалаар уран бүтээлээ туурвидаг маш олон хамтлаг тус хотоос төрөн гарсан байдаг.

“Soundgarden” хамтлаг 1984 онд Сиэттл хотноо байгуулагдсан бөгөөд студийн бүрэн хэмжээний нийт зургаан цомог гаргасан байдаг. Хамтлагийн дуучин Крис Корнелл 2017 онд нас барснаар хамтлаг тарсан байдаг ч 2019 онд ганц удаа дахин нэгдэж, тоглож байсан юм.

Тус хамтлагийн хувьд өмнө нь 2020 болон 2023 онд рок-н-роллын алдрын танхимд нэрээ үлдээхээр нэр дэвшиж байсан бол ийнхүү гурав дахь удаагаа нэр дэвшихдээ сонгогдоод байна. Тус хамтлагийг энэ жил нэр дэвшүүлэх үеэр “Nirvana”, “Pearl Jam” гэх зэрэг дараа дараагийн гранж рок хамтлагууд гарч ирэх замыг зассан, дуу хөгжмийн нөлөө бүхий хамтлаг хэмээн онцолж байсан юм.

Рок-н-роллын алдрын танхимд энэ жил “Soundgarden” хамтлагаас гадна “Bad Company”, “Outkast”, “The White Stripes” хамтлагууд, дуучин Чабби Чеккер, Жо Кокер, Синди Лопер нар мөн нэрээ мөнхлөхөөр болжээ.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Гадаад мэдээ Урлаг

2025 оны “Eurovision” уралдаан энэ долоо хоногт болно

14/05/2025
Гадаад мэдээ Урлаг

Леонардо ДиКаприо: Роберт Де Ниро миний амьдралыг өөрчилсөн

14/05/2025
Гадаад мэдээ Урлаг

19 дэх удаагийн Венецийн архитектурын биенналь эхэллээ

14/05/2025

Сэтгэгдэл хаалттай

Сүүлд нэмэгдсэн

“Гэгээн Муза” олон улсын театрын наадмын нээлтийн үзвэрээр “Орфей” театрын уран бүтээл “1984” постдрамын жүжиг сонгогджээ

14/05/2025

“Халуун бороо” киног бүтээгчдэд талархал илэрхийллээ

14/05/2025

2025 оны “Eurovision” уралдаан энэ долоо хоногт болно

14/05/2025

Леонардо ДиКаприо: Роберт Де Ниро миний амьдралыг өөрчилсөн

14/05/2025

ФОТО: Каннын олон улсын кино наадмын улаан хивсний ёслолоос

14/05/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.