Монгол Улсын Ерөнхийлөгч У.Хүрэлсүх хүүхдийн байгууллага үүсэж, хөгжсөний 100 жилийн ойг тохиолдуулан төрийн дээд цол, одон, медаль гардууллаа.
Энэ өдөр /2025.05.01/ Монгол Улсын Гавьяат жүжигчин цолоор хүүхдийн дуучин, чөлөөт уран бүтээлч Е.Наранцэцэгийг шагналаа. Е.Наранцэцэг нь жаран жилийн өмнөөс одоог хүртэл хүмүүсийн сонорт эгшиглэж буй “Гэгээн өглөө сайн байна уу” дуугаар анх урлагийнхаа замналыг эхлүүлж, хүүхэд шиг цангинасан дуугаа дуулсаар 80 насыг эдэлж буй эрхэм уран бүтээлч билээ.
