Соёл спорт аялал жуулчлалын яам, Баян-Өлгий аймгийн нутгийн зөвлөл, Монголын аялал жуулчлалын холбоо, Монголын зэрлэг амьтан судлах хамгаалах төвөөс жил бүр "Бүргэдийн баяр" наадмыг зохион байгуулдаг уламжлалтай.
Казахын ард түмний дунд эртнээс уламжилж ирсэн бүргэдээр ан хийх арга ухааныг өвлүүлэн сурталчлан, хөгжүүлж дэлгэрүүлж байгаа билээ. Энэ жилийн хувьд тус наадам Богд уулын Жаргалантын аманд орших “Чингисийн хүрээ” жуулчны баазад маргааш зохион байгуулагдах гэж байна.
Баян-Өлгий аймгийн алс холын сумдаас бүргэдчид баяртаа оролцохоор ирээд байгааг зохион байгуулагчид хэлж байна.
