Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулж буй “Улаанбаатар биенналь 2025” олон талт соёл, урлагийн нэгдсэн үйл ажиллагааг зохион байгуулж буй.
Эл арга хэмжээнд нийт дэлхийн 29 орны 300 орчим гадаад оролцогчид, 22 багц үйл ажиллагааг 06 сарын 06-20-ний өдрүүдэд буюу 15 хоногийн турш хүргэх юм.
“Улаанбаатар биенналь 2025”-ын хүрээнд нийслэлийн Соёл, урлагийн газар, Монголын урлагийн зөвлөл, Монголын соёл, яруу найргийн академи хамтран “Яруу найргийн үдэш” арга хэмжээг 06 дугаар сарын 11-нд зохион байгууллаа.
“Яруу найргийн үдэш”-ээр Азийн тэргүүн яруу найрагч Д.Урианхай, “Чингис хаан” одонт, Соёлын гавьяат зүтгэлтэн, зохиолч, яруу найрагч Г.Мэнд-Ооёо, “Болор цом”-ын хошой эзэн, яруу найрагч Б.Ичинхорлоо, зохиолч, яруу найрагч М.Уянсүх, яруу найрагч, орчуулагч Б.Баясгалан, “Болор цом”-ын эзэн, яруу найрагч О.Цэнд-Аюуш, зохиолч, яруу найрагч Ц.Дэлгэрмаа, “Болор цом”-ын эзэн, яруу найрагч С.Начин нарын нэрт зочид яруу найрагт дурлагсдад уран бүтээлээсээ толилуулж, чөлөөт ярилцлага өрнүүллээ.
