Нэрт дуучин, Ардын жүжигчин Гомбын Түмэндэмбэрэл агсны хөшөөг олон нийтийн хандиваар босгож, өнөөдөр /2025.07.28/ “Ойрад” театрын гадна сүндэрлүүллээ.
Тэрбээр Увс аймгийн Өндөрхангай сумын уугуул иргэн бөгөөд Увс аймгийн түүхт 100 жилийг ойг тохиолдуулан түүний хөшөөг босгож буй юм.
Хөшөөний нээлтэд Эрчим хүчний сайд Б.Чойжилсүрэн, Аж үйлдвэр, эрдэс баялгийн сайд Г.Дамдинням, УИХ-ын гишүүн О.Цогтгэрэл, Э.Болормаа, М.Мандхай, УИХ-ын Ерөнхий нарийн бичгийн дарга, хөшөөг санаачлагч Б.Баасандорж, Увс аймгийн удирдлагууд, Их аварга С.Мөнхбат болон нутгийн иргэд оролцлоо.
Энэхүү хөшөөг Дархан аварга Ж.Мөнхбат агсны хөшөөг урласан уран барималч Г.Түмэнчулуун урлажээ.
