ЮНЕСКО-гийн Соёлын биет бус өвийн сан, ССАЖЗЯ, СУИС-иас хамтран хэрэгжүүлж буй “Монгол бий биелгээг өвлүүлэн уламжлуулж, оршин тогтнох чадварыг бэхжүүлэх нь” төслөөс Увс аймгийн Улаангом сумд энэ сарын 16-17-нд “Монгол бий биелгээ” наадам зохион байгуулах нь.
Наадмын гол зорилго нь өвлөн уламжлагчдыг өвлөн суралцагчидтай холбох, олон улсад хүлээн зөвшөөрөгдсөн соёлын биет бус өвийг сурталчлан таниулах аж. “Монгол бий биелгээ”-д оролцогчдыг хоёр ангилалд өрсөлдүүлэх юм байна.
Эхний уралдааныг дээрх төсөлд хамрагдсан хүмүүсийн дунд зохион байгуулах бол удаахыг нь өвлөн уламжлагчдын дунд явуулахаар төлөвлөжээ. Ангилал тус бүрд эхний дөрвөн байрын эздийг тодруулж, 500 мянгаас хоёр сая хүртэлх төгрөгөөр урамшуулах гэнэ.
