“Чингис хаан” үндэсний музейгээс эрдэмтдийн сүүлийн үеийн судалгааны үр дүнг олон нийтэд сурталчлан таниулах зорилгоор Чингис хаан судлалын слон улсын холбоотой хамтран олон нийтэд зориулсан цуврал лекцийг тогтмол явуулдаг уламжлалтай.
Ээлжит лекцийг Кембрижийн их сургуулийн Монгол, дотоод Ази судлалын төвийн профессор Э.Булаг “Монгол Хятад дахь Юань гүрэн: Маргаантай өв, түүх бичлэг үндэсний оршихуй” сэдвээр олон нийтэд зориулсан лекцээ (2025.08.11) музейн долдугаар давхрын хурлын танхимд уншиж, түүний лекцийг сонсохоор олон судлаачид хүрэлцэн ирж харилцан ярилцлаа.
Юань гүрний талаар Монголд болоод Хятадад хэрхэн ойлгодог, үе үеийн судлаачид өөр өөрийн бүтээлдээ яаж тусгасаар ирсэн онцлог, түүнээс үүдсэн XII-XIII зууны үеийн Монголын түүхийн үнэлэмж ямар байсныг түүхэн баримтад түшиглэн өөрийн судалгааны онолоосоо хуваалцлаа.
Тэрбээр монголчууынд соёл,ялгарах байдал, бүрэн эрхт байдлаа тогтоохыг эрэлхийлж ирсэн түүхэн үйл явцыг судалдаг монгол судлалын тэргүүлэх эрдэмтдийн нэг бөгөөд, Монгол, Хятад Өвөр Азийг хамарсан түүх, антропологийн судалгаагаар дагнадаг байна.
