Шведийн Кирунагийн сүм нь 1912 онд баригдсан буюу 113 жилийн түүхтэй барилга. Энэхүү сүмийг хотын шинэ төв рүү зөөх ажиллагааг эхлүүлээд байна.
Кирунагийн сүм нь 35 метр өндөр, 40 метр өргөн бөгөөд 672 тонн жинтэй. Шведэд 1950 оноос өмнө баригдсан барилгууд дундаас хамгийн үзэсгэлэнтэй бүтээн байгуулалтад зүй ёсоор багтдаг.
Ийм том барилгыг нүүлгэх нь тун ховор тохиолдол. Гэвч инженерүүд задалж салгахын оронд бүхэлд нь ган тулгуураар бэхэлж, өөрөө явагч тусгай тавцан дээр тээвэрлэж буй нь энэ юм.
Энэ нь цагт дээд талдаа 500 метрийн хурдтай явах бөгөөд аялал хоёр өдрийн турш үргэлжлэх төлөвтэй байна.
Хотын хуучин төвд төмрийн хүдрийн олборлолтын улмаас газрын гадаргад ан цав үүсэх аюултай байгаа тул ийм нүүлгэн шилжүүлэлт хийж байгаа аж.
Кируна хот дахь барилга байгууламжуудыг нүүлгэн шилжүүлэх ажлын хамгийн онцлох хэсэг нь энэ сүмийг зөөвөрлөх явдал болж байна.
Энэ төслийн менежер “Бид маш их бэлтгэл хийсэн. Энэ бол түүхэн үйл явдал. Бидэнд алдаа гаргах эрх байхгүй. Бүх зүйл нарийн хяналт дор үргэлжилж байна” хэмээн ярьжээ.
Шведийн телевиз энэ үйл явдлыг бүхэлд нь шууд дамжуулах аж.
