ОХУ-ын Эзэн хааны балетын театр дэлхийг тойрох аялан тоглолтоо Монгол Улсаар үргэлжлүүлж байна. Тодруулбал, тус театрынхан 40 хүний бүрэлдэхүүнтэйгээр, удирдаач В.Крицковын хамт Монгол Улсад анх удаа П.И.Чайковскийн “Хунт нуур” бүжгэн жүжгээ толилуулах юм.
“Хунт нуур” балетыг ирэх есдүгээр сарын 12-нд УДБЭТ-ын тайзнаа тоглох бөгөөд балетмейстер, уран сайхны удирдагчаар Гедиминас Леонович Таранта, удирдаачаар В.Крицков, ерөнхий зохион байгуулагчаар “WCM Mongolia” ажиллаж байна.
