Соёл, спорт, аялал жуулчлал, залуучуудын яам, Бүгд Найрамдах Солонгос Улсын Соёл, спорт, аялал жуулчлалын яамны харьяа Азийн соёлын төвтэй хамтран Монгол Улсын соёлын үнэт зүйлсийн дижитал удирдлагын системийг хөгжүүлэх, соёлын контент бүтээх чадавхи бэхжүүлэх төслийн хүрээнд Монголын Үндэсний музейн захирал Б.Сарантуяа (Ph.D) БНСУ-ын Соёл, спорт, аялал жуулчлалын яамны харьяа Азийн соёлын төвийн ерөнхийлөгч Ким Сангүг хүлээн авч уулзлаа.
Уулзалтаар соёлын үнэт зүйлсийг дижитал хэлбэрт шилжүүлэх, музейн үзмэр, эд өлгийн зүйлсээр дижитал үзэсгэлэн, контент хөгжүүлэлт, хүний нөөцийн чадавхыг бэхжүүлэхэд чухал ач холбогдолтой болохыг илэрхийлэв.
Энэхүү төслийг ССАЖЗЯ-ны харьяа Монголын Үндэсний музей, Соёлын өвийн үндэсний төв, Монголын Үндэсний номын сан тус тус төвлөрч хэрэгжүүлэх юм.
