Нийтээр тэмдэглэх баярын болон тэмдэглэлт өдрүүдийн тухай хуулийн 5.2, 7.1-д заасныг үндэслэн Монгол Улсын Засгийн газрын 204 дүгээр тогтоолын нэгдүгээр хавсралтаар батлагдсан Түүхэн үйл явдлын ой, тэмдэглэлт өдрийн жагсаалтын 2.34-т “Соёл, урлагийн ажилтны өдөр”-ийг жил бүрийн есдүгээр сарын хоёр дахь ням гарагт тэмдэглэн өнгөрүүлэх тухай тусгасан байдаг.
32 дахь удаагийн “Соёл, урлагийн ажилтны өдөр”-ийг тэмдэглэн өнгөрүүлэх хүрээнд Соёл, спорт, аялал жуулчлал, залуучуудын яамны харьяа соёл, урлагийн байгууллагуудын ажилтан, албан хаагчдын дунд зохион байгуулж буй спортын тэмцээн өнөөдөр гар бөмбөгийн төрлөөр эхэллээ. Засгийн газрын хэрэгжүүлэгч агентлаг Соёл, урлагийн газрын дарга Э.Цэнд-Аюуш нээж үг хэлэв.
Соёл, урлагийн ажилтны өдрөөр соёл, урлагийн байгууллагууд нийгмийн хариуцлагын хүрээнд иргэдэд чиглэсэн сайн үйлсийн аян, бүтээлч санал санаачилгыг хэрэгжүүлэхийн зэрэгцээ салбарын ажилтан, албан хаагчдын дунд баярын хурал, өдөрлөг, спортын тэмцээн зэрэг олон талт арга хэмжээг зохион байгуулдаг уламжлалтай.
,
,
