Суваг эргүүлэхгүй телевиз үздэг цаг эргэн ирлээ. Учир нь орчин цагийн хамгийн сонирхолтой сошиал контентуудыг бүгдийг нэгтгэсэн цоо шинэ суваг “Bantan TV” нээгдлээ.
Бидний үзэж дассан уламжлалт телевизээс тэс өөр, орчин цагийн хамгийн үзүүштэй шоу, влог, подкаст гээд бүх сонирхолтой дижитал контентыг нэг дор нэвтрүүлэх юм. Өөрөөр хэлбэл дижитал медиа, сошиал контентуудыг танай гэрт телевизийн бүтээл болгон хүргэх болно.
Univision, Skymedia 808 суваг дээр тааруулахад та өнөө цагийн хамгийн их хандалттай “Кино задлан”, “Мандуулын подкаст”, “Amaraa’s Weekly Show”, “Санжаа влог” гэхчлэн 40 гаруй контент үзэх юм.
“Movie Box”, “Asian Box” хоёрын дунд үүрээ зассан энэ суваг туршилтын эфирээ цацаж эхлээд байна. Боловсрол, шинжлэх ухаан, танин мэдэхүй, аялал, нийгэм, эдийн засаг, ток шоу, стрийминг гээд үзэх юм мундахгүй нь. Та удирдлагаа гартаа авч 808 суваг дээр тааруулах үлдлээ.
