Жүжигчин Уилл Смитийн хүү, рэппер Жейден Смит Францын тансаг эдлэлийн “Christian Louboutin” брендийн эрэгтэй загварын бүтээлч захирлаар томилсон тухай WWD мэдээлэв.
27 настай Жейден Смит гутал, савхин эдлэл, дагалдах хэрэгслийн загвар зохион бүтээх, сурталчилгааны кампанит ажил, арга хэмжээг удирдах болно. Тус компани Жейден Смитийн удирдлаган дор жилд дөрвөн цуглуулга гаргахаар төлөвлөж байгаа бөгөөд 2026 оны нэгдүгээр сард Парисын загварын долоо хоногт анхны цуглуулгаа танилцуулах юм.
Брэндийг үүсгэн байгуулагч Кристиан Лубутений хэлснээр энэ албан тушаалд цорын ганц нэр дэвшигч нь Смит байжээ. Мөн Жейдены рэп хэв маяг, сониуч зан, бүтээлч хандлага нь брэндийн алсын хараатай нийцдэг гэлээ. Лубутен өөрөө эмэгтэйчүүдийн шугамыг хөгжүүлэхэд анхаарлаа хандуулахыг зорьж байна.
