АНУ-ын улс төрийн барууны үзэлтэй активист агсан Чарли Киркийн үхлийн талаар хэлсэн үгийнх нь улмаас Жимми Киммелийн шоуг “ABC News” өнгөрсөн долоо хоногт тодорхойгүй хугацаагаар татсан юм. Тэгвэл дэлгэцээс татсанаас зургаан хоногийн дараа Жимми Киммелийн шоуг дахин гаргахаар болсоноо “Disney” компани даваа гараг /2025.09.22/-т мэдэгдлээ.
Жимми Киммел 2003 оноос эхлэн “Jimmy Kimmel Live!” нэртэй ток шоуг хөтөлж эхэлсэн бөгөөд түүний ток шоунд одууд өөрсдийнхөө талаарх твитүүдийг уншиж сэтгэгдлээ хуваалцахаас гадна үзэгчид өөрсдийн хөгжилтэй, сонирхолтой бичлэгүүдийг нэвтрүүлэгт илгээдэг зэрэг хөгжилтэй зүйлс гардаг.
