Нэрт соён гэгээрүүлэгч, билгүүн номч Бямбын Ринчен мэндэлсний 120 жилийн ой энэ онд тохиож байна.
Монгол Улсын Засгийн газрын 2025 оны наймдугаар сарын 27-ны өдрийн 67 дугаар тогтоолоор Монгол Улсын Төрийн шагналт, төр, нийгмийн нэрт зүтгэлтэн, академич Бямбын Ринчений мэндэлсний 120 жилийн ойг тэмдэглэх ажлыг зохион байгуулах Ажлын хэсгийг байгуулж, төлөвлөгөөг батлан, хэрэгжүүлэхийг Соёл, спорт, аялал жуулчлал, залуучуудын сайд Ч.Ундрамд даалгажээ.
Нэрт эрдэмтний гэр бүл, үр хойч нь энэхүү ойг тэмдэглэн өнгөрүүлэхэд ямар ажил хэрэгжүүлэхээр төлөвлөж байгааг зээнцэр Г.Амартүвшингээс нь пүрэв гараг /2025.09.25/-т болсон уулзалтын дараа тодруулахад “Б.Ринчен өвөөгийн мэндэлсний 120 жилийн ойд зориулан бүтээлүүдийг нь дахин хэвлүүлэхээр бэлдэж байна. Мөн бөө мөргөлийн талаарх судалгаануудыг нь эмхэтгэж, шинэ ном болгон хэвлүүлэх гэж байгаа” гэлээ.
