Монгол Улсын Төрийн соёрхолт, Ардын уран зохиолч Ш.Сүрэнжавын дурсгалын талбайг Үндэсний цэцэрлэгт хүрээлэнд нээж, гэрэлт хөшөөг нь босгожээ.
Гурван метрийн өндөртэй хүрэл хөшөөг Төрийн шагналт, уран барималч Ц.Амгалан болон нэрт соён гэгээрүүлэгч Б.Ренчин агсны ач хүү уран барималч Б.Дэнзэн нар урлажээ.
Шаравын Сүрэнжавын дурсгалын талбайд их яруу найрагчийн “Би тэнгэрийн хүү”, “Нэр”, “Ээж минь”, “Амьдрал минь, би чамд хайртай”, “Бүсгүйчүүл”, “Миний нутгийн бараа”, “Намуун үдэш”, “Миний ардын сэтгэл цагаан”, “Арав дахь хавраа үдье”, “Нэрээр хийсэн шүлэг”, “Дөрвөн мөрт” зэрэг олон сайхан бүтээлийг уншиж танилцах боломж бүрдүүлсэн байна.
