Монголын үндэсний үйлдвэрлэгчид, ноолууран эдлэлийн брэндүүдийн нэгдэл pop-up дэлгүүрээ Англи улсад хоёр дахь жилдээ амжилттай нээлээ. Энэ удаа Лондон хотын төв болох алдарт Сохо дүүрэгт pop-up дэлгүүрээ нээсэн байна.
“Moderland” нэгдэл нь 100 хувь монгол ноолууран бүтээгдэхүүнийг үйлдвэрлэгчээс барууны зах зээлд шууд хүргэх гүүр болж буйгаараа онцлогтой. Ингэснээр Монгол дизайнеруудын бүтээл, үндэсний өв соёлыг олон улсын тавцанд таниулахын зэрэгцээ монгол ноолуурын үнэ цэнийг нэмэгдүүлэх зорилготой билээ.
Pop-up дэлгүүрт “Tonot”, “Bodio’s”, “Atoz”, “Tana” зэрэг үндэсний брэндүүд оролцсон ба уламжлалт ур ухаан, орчин үеийн дизайныг хослуулсан бүтээгдэхүүнээ Лондон хотын хэрэглэгчдэд хүргэж байна.
Дэлгүүр Лондонгийн төвд байрлах 33 Great Windmill Street, Soho, London хаягт байрласан ба энэ аравдугаар сарын 12-26-ны өдрийг хүртэл ажиллах болно.
